allt og ekkert

Ferðasagan

2009-04-23T22:16:00.003+02:00

Ég var víst búin að lofa Afríkubloggi. Ég var meira að segja svo fyrirhyggjusöm að ég skrifaði dagbók í Afríku bara til að geta skrifað blogg þegar ég kæmi heim :)
Svo hér kemur ferðasagan í smáatriðum... eða alla vega fyrsu dagarnir

Letaba, 4. apríl.

2009-04-23T22:16:00.001+02:00

Jæja, fyrsti dagurinn í Krügergarðinum búinn og svona líka ljómandi fínn :) Við byrjuðum á ávaxtaskál í blue cottages með jógúrti og hunangi og nýkreistum appelsínusafa, ekki slæmt það!
Við vorum að sjálfsögðu skeptísk á ávextina enda búin að fá að heyra að væru stórhættulegir ásamt fersku grænmeti. Vertinn okkar varð nú bara hneyksluð og sagði að þetta værinú einu sinni SUÐUR-afríka (það er nú suðusr-AFRÍKA í okkar eyrum).
Við vorm kominn í Krüger kl 11. Það voru ekki nema 50 km til Letaba sem var okkar fyrsti gististaður sem þýddi klukkustundarakstur þar sem hámarkshraðinn í garðinum er ýmist 40 eða 50. Okkur tókst nú samt að dreyfa akstrinum á 3,5 tíma  Á leiðinni sáum við impala sem er antilóputegund. Við sáum fullt af þeim sem er kannski ekki svo skrýtið þar sem það eru 125.000 stk í garðinum. Svo ráukumst við á stóran flokk af e.k. gömmum. Þeir voru með útbreidda vængi líklegast til að þurrka þá. Það komu tímabil þar sem við rákumst ekki á mörg dýr en allt í einu upp ár þurru spásseraði gíraffi yfir veginn beint fyrir framan okkur! Það var flott  Við sáum líka litla skjaldböku sem hafði nú e-ð illts af leið. Ég held það hafi verið ”hlébarðaskjaldbaka”.
Inni í sjálfum Letaba-búðunum voru svo bushboks sem er önnur antilóputegund. Þau höfðu vilst innog voru bara ða tjilla og forvitnast um okkur fólkið, algjör krútt ;)
Klukkan 16 fórum svið í sunset drive. Það vorum bara við og SA fjölskylda í ferðinni. Þau töluðu afrikaans. Það er sko heldur betur líkt hollesku.
Þetta var alveg frábær ferð og við sáum fullt af dýrum og fengum frábæra fræðslu. Við sáum að sjálfsögðu impala en líka waterbok og stenbok. Við sáu líka fullt af sebrahestum (þeir eru svo flottir!). Þeir eru minni en ”útlenskir hestar”, á milli hesta og asna í stærð sagði leiðsögumaðurin, kannski bara eins og sá íslenski? Þeir eru mjög ”feitir” en það er út af því að greyin eru með fullan maga af lofti :Þ
Við sáum líka flóðhesta úr fjarlægð, fílafjölskyld, nokkrar fluglategundir og héra. Það skemtilegasta var þó ljónafjölskyldan! Við sáum fjölskyldu með 4 ljónynjum, einu krlljóni og 7 litlum krúttleum ljónsungum, ca 4 mánaða. Það var mjög skemtilgt að fylgjast með hvernig þau höguðu sér og sérstaklega þar sem leiðsögumaðurinn gat útskýrt fyrir okkur hvað var að gerast. Hann var mjög spennur sjálfur nda ekki á hverjum degi sem maður sér heila ljónafjölskyldu með svon alitla unga. N’una erum við í búðunum að grilla kjöt og mismunandi tegundir af minikúrbítum 8fáránlega gott!). Svo er það bara beint í rúmið því við erum að fara í bushwalk kl 5:30 í fyrramálið takk fyrir!

J'burg-Blue cottages, 3. apríl.

2009-04-23T22:15:00.000+02:00

Það er bara sljómandi fínt að keyra í Suður-Afríku ef maður lítur framhjá því að það er vintri umferð. reyndar mættu vegamerkingarnar líka vera betri. Við eydum fullöngum tíma í að finna matvörubúðina sem átti að vera neðar í götunni. Það var hins vegar mjög gaman að koma í búðina, úrvalið af grænmeti og ávöxtum var svo skemmtilegt. Að öðru leiti var búðin eins og hver önnur matvörubúð. Við splæstum í símakort í gemsan sem hefur núþegar komið sér að góðum notum.
Þá hófst ferðalagið.
Það tók okkur 7,5 tíma að koma okkur 450 km leið! Stærsti partur ferðarinnar (eða flestir kílómetrarnir) voru á greiðfærri hraðbraut en okkur tókst að villast nokkru sinnum á leiðinni og svo lentum við 3 sinnum í vegavinnu sem þýddi að það var bara umferð í aðra áttina í einu. Síðasta 1,5 tímann keyrðum við í myrkri. Það var nokkuð óhugnalegt því við lentum 2 sinnum í vegavinu á þessum tíma og vorum alveg stopp.
Loks komumst við þó á leiðarenda. Þar tók á móti okkur dýrindis 3 rétta máltíð, ég held sveimér þá sú besta í ferðinni. Við fengum líka fullt af nytsamlegum upplýsingum um hvernig maður á að hafa sér í Suður Afríku. blue cottages var fínasti gististaður. Þetta er alveg úti í ssveit og mjög fjölkskrúðugt dýralíf :/ það gerði það að verkum að ég var alveg á nálum yfir minnst hreyfingu. Það voru ekki ljónin eða flóðhestgarinr sem ég var hrædd við heldur skordýrin og skriðdýrin! reyndar var full ástæða til að vera á nálum yfir flóðhestunum því fyrir neðan koafana var fljót þar sem þeir héldu til! Á þurrkatímum leituðu þeir upp í garðinn eftir æti á nóttunni. Sem betur fer hafði ringt vel undanfarið!

Ferðadagur, 2. apríl

2009-04-23T22:13:00.001+02:00

Fórum á fætur örlítið fyrr en venjulega eða um 4:30 leytið og drifum okkur út á völl. Heldur svefnlítil nótt og örlitlar áhyggjuraf því hvort allt væri með. Pökkunin fór nefninlega fram kvöldinu áður. 2 klst flug til Parísar, smá hlaup á Charles de Gaulle að redda ýmsum smáhlutum eins og moskítóvör, mat og drykk. Þá tók við 9 tíma flug til Jóhannesarborgar. Ég ætlaði nú heldr betur að nota tímann í lærdóm en sofnaði eftir að hafa lesið einn fyrirlestrur. Flugferðin gekk bar ljómmandi vel! risastór flugvél með ágætum sætum (þó það hafi verið viss svekkur að þurfa að labba gegnum 1. farrýmið) og fullt af bíómyndum og öðru skemmtiefni í boði. Þannig að í staðinn fyrir lærdóm horfði ég á tvær bíómyndir og fór í fullt af tölvuleikjum!
Á flugvellinum í J'burg biðum ið í vegabréfseftirliti í meira en klukkutíma. Þegar því var lokið tók mjög vinarlegur maður á móti okkur og fylgdi okkur að bílaleigunni og sendi vin sinn að kaupa vatn fyrir okkur. Fyrir þetta tóku þeir félagar inungis 100 rönd hvor eða um 1000 ísk hvor (en þeir heppnir að hitta á svona heimska túrista!)! Strákunum á bílaleigunni fannst við nú ekkert sérlega gæfuleg og sögðu okkur í framtíðinni að treysta engum nema lögreglunni og bensínafgreiðslufólki.
Þessi hálftíma bílferð frá flugvellinum og á svefnstað var nú ævintýri út f fyrir sig þar sem það er hægri umferð í Suður-Afríku...

Úps

2009-04-20T00:11:00.000+02:00

ég var víst búin að lofa Suður-Afriku bloggi um helgina :/
Helgin hljóp bara alveg í burtu svo það verður að bíða betri tíma. En ég lofalofalofa bloggi í vikunni, síðasta lagi næstu helgi

Tittut!

2009-02-16T16:57:00.002+01:00

ég er mætt :)
Sko, jólaskrutuð hjá mér var ekki komið niður í kassa fyrr en í lok janúar (og þá eingöngu út af því við vorum að fá gesti, annars hefði það verið uppi lengur) þannig ég sé ekkert athgavert við jólafærslu efsta á síðunni í febrúar ;)
Annars er ég nánast óskrifandi. Ég var að koma úr bólusetningu og fékk sprautu í BÁÐA handleggina og sé ekki fram á að geta notað þá nokkurn tíman aftur. Verst að Jonas var líka í þessari bólusetningu þannig ég fæ enga meðaumkun þaðan :(
Annars er sko ýmislegt í fréttum get ég sagt ykkur. Það heitasta í dag er... vá, ég get bara engan veginn gerst upp á milli, þessi listi verður í handahófskenndri röð held ég bara. Mamma og pabbi eru að koma til Köben á morgun. ég er að fara að hitta þú þar og svo koma þau yfir til okkar seinna í vikunni. Við Jonas erum á leið til Suður Afríku um páskana (þess vegna vorum við í bólusetningum). Ég er að fara að halda kúrs um Ísland. 6 skipti 3 klst í senn. Fyrsta skiptið er á miðvikudaginn og ég fékk að vita þetta alltsaman í dag. Ég er búin að kaupa mér rauða strigaskó í tilefni Afríkuferðarinnar. Þeir eru mjög flottir og liprir og voru á einstaklega góðu verði. Systkini mín koma í heimsókn í mars og verður það að sjálfsögðu mjög gaman. Ég er orðin algjörlega snartjúll í prjónaskap og er með mikil fráhvarfseinkenni þar sem ég ég bíð eftir hvítri léttlopadokku sem kemur með fluginu á morgun (með mömmu og pabba s.s.). ég er búin að vera í heilmiklum lokaverkefnispælingum og var með 3-4 hugmyndir og ákvað að senda meil á nokkra staði. Hingað til hef ég fengið jákvæð viðbrögð (þó ekkert sé öruggt) frá öllum stöðunum sem gerir málin bara alls ekkert einfaldari. Á morgun er ég að fara til Köben í heimsókn á einn af stöðunum (og svo að hitta mömmu). Tveir a þessum spennandi stöðum eru á íslandi svo það er ekki útilokað að ég verði á Íslandi í haust, alla vega verð ég pottþétt á Íslandi í sumar :)
vá, þetta er sko troðfullt af alls konar staðreyndum og ekki búið enn: ég og helga frænka erum að fara að troða upp hjá "Svensk-isländska föreningen" í apríl. 'eg hef mætt einu sinni á þannig samkomu (með íslenska kórnum sem söng) og var með bjánahroll allan tímann, sat á aftasta bekk og hagaði mér eins og versta gelgja. eins gott að við verðum e-ð skárri en aumingjans fólkið sem tróð upp í það skiptið... við ætlum að syngja íslenskan tvísöng, Bubba og Ragnheiði Gröndal, fjölbreytt eller hur? ;)
jæja, nú þarf ég að fara að einbeita mér af því að vera illt í handleggjunum (það er nefninlega erfitt að muna það ef maður er að gera e-ð annað)

Sjaúmst

Jólijóli

2008-12-19T16:43:00.000+01:00

Ég eeelska jólafrí!!!
Ég er búin að eyða þeim fjórum klukkutæimum af jólafríi sem eru búnir í sjónvarpsgláp og konfekt gerð :)
Amarylisinn minn er sprungin út, meira að segja tveir stilkir og svo er orkidean líka að blómstra, og ég sem hélt hún væri dauð. Ég er bara ekki viss um að ég tími að koma heim í jólafrí ;)

OK

2008-12-13T16:44:00.001+01:00

Ef ég skrifa þetta hérna inn neyðsit ég til að standa við það:
Núna ætla ég að taka til og þrífa heima hjá mér. Þegar ég er búin að því ætla ég að taka mynd af fínu jólaljósunum mínum og setja inn á bloggið. Á morgun ætla ég að skrifa jólakort og pakka inn jólagjöfum.
Og hana nú!

Mer leidist!

2008-11-12T14:17:00.002+01:00

Sit og hangi i skolanum tvi eg er klaradi verkefni dagsins i gaer og get ekki gert verkefni morgundagsins tvi sidan sem eg a ad nota virkar ekki. Vaeri ta ekki upplagt ad fara heim? Ju mer finndist tad lika. En nei, eg tarf ad skoda afrakstur tilraunar gaerdagsins. Og af hverju vind eg mer ekki i tad? God hugmynd, eg ma bara ekki gera tad nuna tvi vid turfum ad skiptast a svo vid missum ekki tölvusalinn!! Og af hverju fae eg ta ekki ad fara fyrst tar sem eg er su eina sem er buin med verkefni dagsins? MJÖÖÖÖG GOD SPURNING!
pirr dagsins i bodi oskipulagdra kennara

Partí!

2008-11-08T22:28:00.003+01:00

Haldið að mér hafi ekki bara verið boðið í partí í kvöld, alvöru sænskt stúdentapartí. Ég fékk nett sjokk þegar ég opnaði fataskápinn minn og mundi að ég á bara settleg föt, engin megasvkvísupartíföt. Okkur Jonasi tókst þó í sameiningu að setja saman föt svo ég gæti villt á mér heimildum þetta kvöldið. Fyrir valinu urðu megapæjuunglingagallabuxurnar mínar sem ég er nýbúin að kaupa mér, gamall hippalegur bolur, megaskvísu leðurjakkinn minn (sem ég var sko löngubúin að gleyma) og skvísu kúrekastígvélin mín. Þið getið séð afraksturinn fyrir ofan og neðan ;)
Ég mætti í partíið á máturlegum tíma, hálftíma eftir boðaðan tíma eða kl 19:30. Þetta var s.s. partí hjá þremur strákum úr skólanum, ég er búin að vera að spila fótbolta með þeim í vor og aðeins í haust. Ég hafði nú ekki mikla trú á þessum elskum en það var bara svo huggulegt hjá þeim og svo voru þeir búnir að undirbúa þessar líka fínu snittur!
Sannir herramenn þar á ferð get ég sagt ykkur. Þrátt fyrir skvísuátfittið og snitturnar get ég ekki sagt að ég hafi átt mikið erindi þarna (nema náttúrulega til að borða snitturnar) svo ég borðaði snitturnar og átti í kurteisis samræðum við nokkra einstaklinga og sagðist svo þurfa að drífa mig í næsta partí (hahaha).
En ég sýndi þó alla vega smá lit!
...reyndar held ég að ég hafi sýnt meiri lit í einkamyndatökunni eftir að ég kom heim...

Vikan búin

2008-11-08T15:04:00.002+01:00

og vel rúmlega það.
Vá hvað tíminn flýgur, það fer nú bara að styttast í jólin! Það var ekki að sjá í dag í kirkjuskólanum get ég sagt ykkur sól og fínasta veður :)
Jamm prófið löngubúið og gekk bara ljómandi vel, búin að fá niðurstöður og var með 82% rétt þegar ég kom að skoða prófið en 85% rétt þegar ég skilaði því ;) ætti svosem að vera sátt en hefði átt að fá alla vega 9 ef ég hefði ekki verið svona mikill lúði... og ef kennarinn væri ekki svona skrambi smámunasamur!
En nóg um það, næsti kúrs byrjaður og er svona líka leiðinlegur. Aðalega út af því að hann er (hingað til!) svo léttur og löðurmannlegur... ég ætla að gefa honum séns í smá tíma í viðbót áður en ég fer að kvarta fyrir alvöru.
Annars allt í góðu. ég held við Jonas séum í ómeðvitaðri keppni um hver gefst fyrst upp á draslinu og tekur til :Þ Við erum bæði öflugir kandídatar get ég sagt ykkur. Held samt að Jonas greyið geri sér enga grein fyrir við hvern hann er að keppa ;)

Vikan tæplega hálfnuð

2008-10-24T19:24:00.002+02:00

Þessar tvær vikur ætla algjörlga að renna saman...
Langir dagar í skólanum alla vikuna, 8-10 tíma viðvera, kirkjuskóli í fyrramálið og svon bruna ég beint í æfingabúðir í kórnum. Mig grunar að það verði unnið mikið og sofið lítið... svo verður brunað beint úr æfingabúðunum á ráðstefnu um "proteomics" (hljómar það ekki pró?? :D) . Ráðstefnan er svo allan mánudaginn líka. Þriðjudagur fer í að laga skýrslu og byrja próflærdóm (fengum einmitt heilmikið lesefni í dag sem ég vissi ekki um), miðvikudagur próflestur, fimmtudagur PRÓF! og ég sem hélt ég hefði alla vikuna til að læra og hvenær ætlaði ég að slappa af? Á föstudeginum kannski? Nei, það byrjar næsti kúrs.
Ég get huggað mig við það að það eru engin plön og munu ekki vera gerð nein plön næstu helgi.

Svolítið absúrd

2008-10-22T22:28:00.000+02:00

Vaknaði um 3-leytið í nótt við að vinstri fóturinn minn hafði sofnað.
Drattast á fætur til að reyna að vekja fótinn, helst án þess að vekja mig. Sé að það er ljós frammi svo ég staulast draghölt og svefndrukkin fram til að slökkva ljósið. Þá situr Jonas inni í stofu og er að prjóna!
Það skal tekið fram að mig var ekki að dreyma.

Kvöl og pína!

2008-10-22T18:39:00.002+02:00

Milli klukkan 16:30 og 18:00 var ég skilin eftir ein í "labbinu" (tilraunastofunni) með þýsku stelpunni :/
Hún er alveg fáránlega hæg í öllu sem hún gerir og svo óendanlega leiðinleg!!
Hún er hálfþýsk, fædd og uppalin hér en ég svo sver það ég tala með minni hreim en hún.
Jæja, búin að deila frústeringunni með ykkur ;)
best ég skelli mér á kóræfingu.

Skil ekki boffs

2008-10-20T18:55:00.002+02:00

Það eru krúttulegir gamlir bræður sem eiga heima fyrir ofan okkur. Ég sé annan þeirra oftar en hinn. Hann er ekki nema 1,30 myndi ég giska og kannski ekki alveg eins og fólk er flest. ég get ómögulega skilið hann þegar hann talar! Áttum þessar líka fínu samræður á leiðinni úr kjallaranum núna áðan og ég skildi barasta ekki neitt. Ég verð víst bara að leika undirgefnu eiginkonuna og láta Jonas sjá um samskiptin við þá bræður.

Getið þið hvað ég var að finna

2008-10-17T20:52:00.002+02:00

jólasmákökur frá því í fyrra!
Já, og sko alveg nóg af þeim!!
Í staðin fyrir að henda þeim og þrífa boxin og það allt skellti ég þeim bara aftur inn í skáp og tók fram tópasinn sem mamma og pabbi komu með :)

Gurk :(

2008-10-14T17:40:00.001+02:00

Það er búið að fella niður flugið mitt heim til Íslands og okkur boðið flug fyrr um daginn. Ég er að syngja á tónleikum fyrr um daginn :(
Lítur út fyrir að við þurfum að fljúga heim 23. desember :(

Ráðgátan leyst

2008-10-12T14:23:00.002+02:00

Sigrún hafði sko mikið fyrir því að rugla mig í rímun, sendi Erling sérstaklega til Stokkhólms svo ég gæti ekki rakið póstsendinguna. En ég sá við henni, hún hefði ekki átt að missa það út úr sér að erling væri í Stokkhólmi ;)
Takk fyrir afmælisgjöfina Sigrún, ég væri mjög fín með handskana og trefilinn ef ég væri ekki svona ferlega mygluð úr kvefi og með of síðan topp ;)
Annars var ég með þúsund blogghugmyndir en ætli horið sé ekki að blokkera einhverjar heilastöðvar því ég man ekkert.
Nema að ég gleymdi alveg að koma því á framfæri að mér tókst að greina 5 prótein af 6 úr próteinblöndunni í síðustu viku og "vann". Flestir gátu ekki fundið neitt og sú sem var með næstflest náði þremur. Hef reyndar smá áhyggjur af því að kennararnir hafi ekki áttað sig nógu vel á að ég hafi unnið keppnina (og hvað þá að þetta væri keppni).

Ha?

2008-10-10T16:20:00.002+02:00

Eins og þið hafið kannski tekið eftir þá hefur ekkert farið framhjá mér síðustu daga hvað ég er frábær og æðisleg ;)
Ekki batnar það þegar ég er farin að fá gjafir frá leyndum aðdáendum!!
Fyrir 2 dögum fékk ég tilkynningu frá póstinum um ða ég ætti pakka þar. Var svosem ekkert yfir mig spennt þar sem ég átti von á kirkjuskóladóti. Ég dreif mig og náði í pakkann í dag svo ég hefði nú hlutina fyrir kirkjuskóla á morgun.
Mér fannst örlítið merkilegt að brúðunni (þetta hlaut að vera brúða og ekki bækur þar sem pakkinn var mjúkur) væri pakkað inn í svona fallegan pappír undir umslagin en pældi ekkert í því fyrr en ég sá innihaldið, ótrúlega fallegur trefill í hauslitum og brúnir "mokka"handskar í stíl!
Það er hins vegar ekkert kort eða nafn eða neitt í þeim dúr utan á eða innan í pakkanum :(
og það sem meira er, póststimpillinn er frá Stokkhólmi og ekki Íslandi!
Ég vil hér með þakka innilega fyrir þessa fallegu gjöf en á sama tíma benda á að ég er ekki orðin það fræg (ennþá) að ég þurfi leinilega aðdáendur ;) Gefur sig e-r fram??

Ég er orðin alt!

2008-10-08T20:12:00.002+02:00

Kórstjórinn hringdi í mig áðan og sagði að það hefði hljómað svo vel þegar ég söng altinn í messunni síðasta sunnudag að hann ætlaði að biðja mig um að syngja alt í Messias (vantar víst einn alt)! Ég hélt ég yrði ekki eldri!
Hef ákveðið að taka þessu nákvæmlega eins og hann sagði þetta (s.s. að ég sé svona frábær og æðisleg, svona ef þið höfðuð ekki náð því) og ekkert vera að pæla í hvort hann ahldi að það sé mér að kenna að sópraninn er falskur og ömurlegur (það er nb dóttur hans að kenna og ekki mér!). Hvort sem það nú er þá er ég bara nokkuð sátt að hafa verið færð :)
Reyndar örlítil áskorun þar sem við erum akkúrat búin að fara í gegnum raddirnar í öllum köflum og komið að fínpússun :/ ég verð víst að æfa mig heima :/
Smá fréttayfirlit:
Búin í bioinformatic prófinu, gekk ágætlega en fæ lílklegast bara G og ekki VG
Átti afmæli og fór í stórborgarferð til Kaupmannahafnar með Jonasi
Foreldrarnir komu í heimsókn og ég tók til áður en þau komu ;)
Byrjuð í mass spectrometry kúrsi og ég er þokkalega best í kúrsinum (eða svona, klárari en allir í mínum hóp alla vega :Þ)

tvennt í viðbót

2008-09-26T16:25:00.001+02:00

Eitt: Sarah systir hann Jonasar fæddi Victor (jámm, þau voru löngu búin að nefna hann áður en hann fæddist) í gær. Allir hressir þó hann hafi fæðst aðeins og snemma. Algjört písl hins vegar... alla vega miðað við "litlu" frænku mína ;)
Tvö: Jonas er aaaalveg að fara að koma heim :) Það er eins gott því það var að springa pera frammi á gangi.

þetta gat ég :)

2008-09-26T16:20:00.003+02:00

Í dag bað sérlegur Bangladesískur vinur minn úr skólanum mig um að gefa sér gsm númerið hjá mér svo hann gæti hringt í mig í tíma og ótíma út af prófinu sem verður á þriðjudaginn.
getið þið hvað ég gerði??
Ég sagði NEI!!!
Ekki nóg með það heldur sagði ég að ég hefði heldur engan tíma til að hitta hann fyrir prófið.
Tvö nei á einum degi og heimtaði endurgreiðslu út af lélegri þjónustu. Á dauða mínum átti ég von...

Guðrún- ekki bara neytandi, líka neitandi :)

Ekki verlsa hjá Lilla Valvet í Lundi

2008-09-26T16:19:00.001+02:00

Í dag þegar ég var að læra á aðalháskólabókasafninu í Lundi ákvað ég að prófa að fara á Lilla Valvet í hádegismat. Lilla Valvet er s.s. falafellbúlla rétt hjá bókasafninu og ég hef aldrei farið þangað áður.
Það var að sjálfsögðu fullt út úr dyrum eins og við var að búast svona í hádeginu en röðin gekk hratt. Ég var búin að þylja pöntunina oft í huganum svo ég yrði nú örugglega nógu snögg og segði enga vitleysu svo allt gengi smurt fyrir sig. Svo kemst ég að og segi eins og ég hafði æft: "einn falafell með fetaosti án lauks". Mér fannst viðmótið ansi furðulegt þar sem hann var ekki einu sinni búin að heyra alla pöntunina mína þegar hann var byrjaður að taka pöntun hjá næsta svo mér fannst réttara að árétta að ég vildi ekki lauk á falafellinn. Han var að sjálfsögðu eldsnöggur að þessu öllu saman og ég var varla búin að blikka augunum þegar ég var kominn með falafellinn minn í höndina. En hann hafði aldrei spurt mig um hvernig sósu ég vildi? Mér fannst það frekar einkennilegt þar sem allir aðrir höfðu fengið að velja sósu svo ég spyr hann hvort hann hafi sett e-a sósu. Hann varð mjög hneykslaður og sagðist hafa sett milda sósu (sem var nb lygi, hann hafði ekki sett neina sósu) en ég sagði honum að hann hafði aldrei boðið mér sósu og ég vildi fá bland af öllum. Það mætti halda að ég hefði verið að biðja hann um að búa til sérblandaða sósu frá grunni handa mér, svo mikið mál var þetta. Svo horfði ég á hann sletta smá hvítlauskssósu á og ekkert meira. Mér fannst ég vera búin að vera með nóg vesen svo ég lét það duga en var engu að síður mjög óánægð með viðmótið (svosem ekkert í fyrsta skipti í Svíþjóð). Ég labbað út og byrjaði að gæða mér á falafelnum sem var nú bara nokkuð góður... komst nú fljótt að því að hann hafði gleymt að setja fetaost á (en hann rukkaði mig sko klárlega um hann!). Ég ákvað nú samt að borða aðeins meira og sjá hvort hann kæmi kannski þegar neðar drægi. Það var engin fetaostur neðar en nóg af lauk hins vegar. Mjög pirrandi en kom mér nú ekki mikið á óvart miðað við viðmótið. Það hvarflaði svosem að mér að fara og kvarta og akkúrat þegar ég var að hugsa þetta leit á á falafellinn minn og sá svart stutt hár standa út úr einni bollunni!!! Þá fékk meira að segja ég nóg og fór til baka. Ég hafði aftur nógan tíma í röðinni til að æfa ræðuna mína og þegar kom að mér bunaði ég út úr mér eins hátt og skírt og ég gat að ég hefði borgað fyrir falafel með fetaosti og án lauks og fengið einn án fetaosts með lauk og þar að auki fundið hár og vildi nú skila matnum og fá penigninn til baka. Gaurinn entist nú ekki í að hlusta á þessa "löngu útskýringu" og var löngu horfinn áður en ég var búin að klára en ég endurtók þegar hann var hálfnaður að búa til nýjan falafel að ég vildi fá peningana til baka og ekkert annað. Hann nánast henti svo í mig peningunum og muldraði e-ð í mjög svo pirruðum tón sem hefði verið hægt að skilja sem afsakið.
Ég veit ekki hvað ykkur finnst en þetta finnst mér alla vega vera "þjónusta" á lægsta mögulega plani og hef ekki hugsað mér að stiga fæti þangað inn aftur.

Guðrún-neytandi

Jonas komst á séns áðan!

2008-09-24T12:47:00.002+02:00

Og segiði svo ekki að ég hefði ekki átt fara með! Hann var s.s. að hanga á sundlaugarbakkanum með vinnufélögum sínum þegar kona yfir þrítugt "réðst á hann". Aumingja Jonas var náttúrulega allt of góðhjartaður til að henda henni bara í laugina. ég hefði hins vegar ekki hikað við það!
Vona bara að hann hafi alla vega útskírt það fyrir henni að hann sé ekkert fyrir svona kjellingar á sínum aldri ;)

Ljota vekjaraklukka!

2008-09-23T15:03:00.003+02:00

Hun hringdi i midjum konsert!
Tetta var otrulega fallegt og dramatiskt stykki fyrir hljomsveit, nokkra söngvara og ballettdansara (held eg). Stykkid byrjadi med tonlist og hljodfaeraleikararnir komu dansandi inn a svidid einn af ödrum (hmmm hvadan koma ta tonlistin?). Groa var konsertmeistari og Torunn Vala var einn af söngvurunum. Tad for reyndar pinulitid i taugarnar a mer ad söngavararnir skildu syngja i mikrafona en eg byst vid ad tad hafi verid naudsynlegt svo tad heyrdist i teim (hlytur ad hafa veri i Haskolabio). Söngvararnir voru allir i graenum kjolum med blomamunstri ja og gott ef teir sau ekki bara um dansinn lika! Mer gafst nu ekki taekfaeri til ad sja hverjir fleiri voru ad spila eda syngja tvi vekjaraklukkan hringdi!! Eg hafdi i bjartsyni stillt hana a 7 og fattadi svo ad bokasafnid opnar ekki fyrr en 9 svo i motmaelaskyni "snoozadi" eg i klukkutima :p

Skrúðgöngur og lestir

2008-09-21T19:49:00.002+02:00

Þá er ég orðin grasekkja aftur. Það er ekkert spes.
Laugardeginum var að þónokkri leyti eytt í skrúðgöngum af ýmsum sortum. Um hádegisbilið keyrðum við Embla frænka niður í bæ því Jonas vara að fara að spila með lúðrasveit heimvarnarliðsins. Á leiðinni lentum við í bílalest á eftir tveimur hestvögnum sem voru fullir af fólki í einhvers konar gamaldags herklæðum og með fallbyssu í eftirdragi. Á eftir þessari hersingu hjólaði svo maður í minna skrautlegum herlkæðum á einkennilegu hjóli með palli þar sem hann var með skóflu og fullt af hestaskít :) Eins og þið getið ímyndað ykkur fór hersingin ekki mjög hratt yfir svo það myndaðist þessi fínasta bílaröð á eftir þeim.
Við gengum svo á hljóðið og fundum Jonas svona líka sætan í júníformi og með hatt og allt. Maðurinn með prikið gerði svo einhverjar hreyfingar og og lúðrasveitin lagði af stað. Við Embla vorum náttúrulega spenntar að ganga á eftir í skrúðgöngu en það stóð ekki í boði þar sem hestvagnarnir voru mættir og áttu að fylgja. Við gengum svo á eftir hestvögnunum eins og æstar grúppíur því það var engin annar sem fylgdi á eftir. Það myndaðist þessi líka fína röð af frekar eyrðarlausum strætóum þar sem hersingin fór eftir mjög fjölförnum strætóvegi. Eftir að hafa þrammað á eftir í stutta stund, snéri svo lúðrasveitin við og gekk sömu leið til baka. Þá var ekkert annað að gera en að snúa við og elta (sama fína strætóbílaröð í þá áttina). Eftir þessa ævintýralegu "skrúðgöngu" borðuðum við Embla og Jonas nestið okkar á bekk með "A-liðinu" eins og rónar eru kallaðir í Svíþjóð. Svo var haldið í IKEA. Við vorum ekki komin almenilega út á hraðbrautina þegar við sjáum að það er óendanleg bílalest eftir allri hraðbrautinni, okkur langaði helst að bakka til baka :/
Við vorum í hálftíma í þessari skemmtilegu röð þar til við komumst framhjá hnútnum og þá var hálftíma bílferð eftir í IKEA. Maður hefði nú haldið að IKEA ferð á laugardagseftirmiðdegi væri ekki góð hugmynd en við rúlluðum öllu upp á minna en hálftíma, með pylsu og ís á eftir meira að segja!
úps verð að fara að horfa á sjónvarpið

3 tíma fyrirlestur í dag

2008-09-20T00:33:00.000+02:00

að sjálfsögðu hjá manninum sem sló svona rækilega í gegn í gær.
Í þetta sinn var fyrirlesturinn í tölvustofu og ég settist aftast og hékk á netinu... ég er svo hræðilega óskammfeilin!!!
Hékk samt út allan tímann svo ef ské kynni að hann segði e-ð merkilegt í lokin... hann gerði það ekki...
Jonas er að fara til Flórída á sunnudagsmorgun og skilur mig aaaaleina eftir í kuldanum í næstum því viku... það finnst mér illa gert

4 tíma fyrirlestur í dag

2008-09-18T20:54:00.002+02:00

Púff, ég hef sko ekkert úthald í svoleiðis maraþon. Svo var kennarinn ekkert spes og vildi endielga að við værum að fylgjast með og skildum það sem hann segði og svöruðum spurningunum hans. Það er algjörlega vonlaust í svona bekk þar sem maður þekkist ekki neitt. Ég vorkenndi samt kennaranum það mikið að ég var dugleg að svara honum og kinka kolli annað slagið og svona (alla vega framanaf á meðan ég hafði e-a einbeitingu í annað en að stara á klukkuna).
svo kom til mín stelpa í hléinu sem fannst ég greinilega mjög klár að vera með svona allt á hreinu og skilja um hvað hann væri að tala. Það fannt mér fyndið því ég vissi ekkert um hvað hann var að tala mest af tímanum. Svona er ég nú góð að feika get ég sagt ykkur ;)
Ég fékk æðislegan mat í kvöld! Get því miður ekki eignað mér heiðurinn af því þar sem við skelltum okkur út að borða bara sísvona. Við erum orðin svo fullorðins að við fengum okkur bæði fisk og engan desert :Þ
Svo var ég að keppa í fótbolta í gær, fyrsta og síðasta skipti á þessu "keppnistímabili". Þeir þurftu endilega að hafa alla leikina á miðvikudagskvöldum sem er eina kvöldið sem ég er upptekin á. Það er skemmst frá því að segja að við unnum ekki og ég er með sár á leggnum eftir að ég sparkaði í sjálfa mig. Þarf ég nokkuð að segja meira?
Jæja, farin að sinna Jonasi svona áður en hann skilur mig aftur eftir eina heima. Engin á leið í heimsókn í næstu viku??

Vissud tid

2008-09-15T15:30:00.003+02:00

ad ramadan er i fullum gangi nuna og ad to tetta se arlegur vidburdur ta er ramadan aldrei a sama tim tar sem tad er ekki farid eftir "venjulega" dagtalinu heldur "truarlega" dagatalinu og tess vegna faerist ramadan alltaf fram um ca manud.
Kannski vissud tid tetta allt saman en eg vissi tad alla vega ekki fyrr en i dag :) Svona er ad vera i altjodlegu nami krakkar minir :)

Ps: aumingja stelpan sem var ad segja mer tetta var med hausverk af hugri a medan eg var afvelta af ofati :/

Búin!!

2008-09-14T16:49:00.001+02:00

Ég er nokkuð viss um að það er akkúrat engin sem getur ímyndað sér hvað ég er búin með :)
Ég var að klára fínufínu tvíbandavetlingana mína sem ég byrjaði á áður en ég flutti til Svíþjóðar :)
Það tók mig s.s. rúm þrjú ár að klára það en þeir eru að sjáflsögðu óendanlega fínir og hlýir og góðir (þó þeir séu örlítið misstórir og misstrektir). Þá er bara að byrja á úlnliðsböndunum handa Jonasi... ætli ég gefi honum þau ekki bara í afmælisgjöf... á þessu ári!

Guðrún-sem er á e-n hátt örlítið glöð yfir að Jonas skuli ekki vera heima, ég meina, ég kláraði vetlingana!

Greinilega ekki Íslendingar sem skipulögðu ferðina hans Jonasar

2008-09-13T18:35:00.002+02:00

Tónleikarnir eru búnir en þau fara ekki heim fyrr en annað kvöld! Hann er s.s. farin að hanga og bíða núna og ég hitti hann ekki fyrr en um miðnætti á morgun! Ansalegt.
Þau byrjuðu á að hanga í tvo tíma í Trelleborg að bíða eftir skipinu sem færi með þau til Þýskalands og svo var allt tilbúið klukkutíma fyrir tónleikanana í dag!! Kannski Svíarnir séu stoltir af að tímaplanið "gekk svona vel upp" en mér finnst þetta bara eintóm tímasóun.
Frekar hleyp ég á eftir strætó heldur en að bíða í 10 mínútur af því ég kom svo tímalega...

plasmodium falciparum

2008-09-13T00:17:00.002+02:00

Svona til að halda áfram að slá sjálfri mér gullhamra þá ætla ég að segja ykkur hvað ég var dugleg í dag ;)
Ég var að hjálpa Bangladeíska vini mínum með tölvuæfingarnar og þá áttum við m.a. að skoða erfðamengi P. falciparum. ég svona nýbúin að taka námskeið þar sem malaría var m.a. rædd gat frætt hann um að þetta væri einmitt bakterían sem veldur hættulegasta afrbrigðinu af malaríu. Þetta vissi hann nú ekki en hann sagði mér að pabbi hans hefði hringt í hann núna um daginn alveg ég öngum sínum. Vinur minn hafði nefninlega gleymt moskítóflugnanetinu sínu í Bangladesh og pabbi hans hafði miklar áhyggjur af því hvernig hann gæti bjargað sér þarna í Svíþjóð! Vini mínum tókst nú að róa pabba sinn og segja að það væru nú bara engar moskítóflugur í Svíþjóð. Ég leiðrétti hann að sjálfsögðu (ég besservisser?? Ha neinei) og sagði honum að það væru nú mýflugur hérna en þær bæru bara ekki með sér malaríu. Honum fannst ég að sjálfsögðu mjög klár og veraldarvön hérna í Svíþjóð ;)

pirrandi

2008-09-11T17:55:00.002+02:00

að fara svangur í búðina og svo er endalaust af fólki þar og þú þarft að standa í eilífð í röð... að sjálfsögðu umkringd af sælgæti!!
Að sjálfsögðu stóðst ég freistingarnar, enda ekki þekkti fyrir annað eða hvað ;)
Og annað, mér leiðist að vera ein heima! Þið eigið ennþá séns á að kíkja í heimsókn, Jonas kemur ekki heim fyrr en á sunnudagskvöldið!
Ætla samt að láta vera að auglýsa það í skólanum, gæti misskilið ;)
Það er ekki tekið út með sældinni að vera svona myndarlegur get ég sagt ykkur ;)

Tæpar tvær vikur búnar

2008-09-10T14:33:00.003+02:00

og tæpar þrjár eftir. Get ekki sagt að ég fíli "bioinformatics" en þetta er hollt og gott.
Ég hlýt að líta óendanlega vinalega út því að í þessari viku hafa þrír strákar úr námskeiðinu beðið mig hjálp og tvo af þeim þekki ég ekki nokkurnb skapaðan hlut. Einn sagði bara hæ ég heiti XXX (man ómögulega hvað hann heitir) ertu búin með verkefnin sem við áttum að gera þessa vikuna? Værirðu til í að senda mér þau? ég varð svo hissa að ég sagði bara já og gaf honum öll verkefnin mín!?!?
Annar strákur var frumlegri og spurði mig hvort það væri engin sykur í kaffinu hans. Furðulegt nokk hafði ég ekki hugmynd um það (!?!) . Hann þurfti hjálp við að finna afmælisgjöf hann 10 ára frænku sinni og vantaði kvenlegt innsæi (!?!). Sá þriðji þekki ég aðeins frá kynningarfundinum áður en skólinn byrjaði. Hann hefur aldrei unnið með bionformatics áður og þurfti hjálp og treysti mér greynilga betur en vinum sínum (ég montin? Já!) svo hann bað mig um hjálp sem fólst ekki í að senda honum verkefnin mín heldur aðstoða hann við að gera sín eigin. Þó það þýði að ég þurfi að hitta hann í aukaklukkutíma finnst mér það mun meira spennandi en að gefa verkefnin mín eða "beita mínu kvenlega innsæi" í að finna afmælisgjöf handa 10 ára frænku e-s.
Annars er ég orðin nokkuð góð í indverksri ensku eftir þessar tvær vikur. Með þessu áframhaldi verð ég farin að skilja bekkjarfélaga mína í lok námskeiðs.

Nýjasta systurdóttir mín

2008-07-25T23:27:00.003+02:00

Erum við ekki líkar?? og hver er svo með meiri undirhöku????

Annasamt

2008-06-29T10:20:00.002+02:00

í síðustu viku söng ég á kórtóleikum án þess að kunna eitt einasta lag á efnisskránni og án þess að vera með nótur.
Ég umgekkst líka spilta stjórnmálamenn annað hvort á Ítalíu eða í Danmörku.
Ég hef líka tekið þátt í kappreiðum niður nánast lóðrétta brekku. Lenti þar í 3. sæti þrátt fyrir að hafa aldrei komist almennilega á bak, sat eiginlega bara á rassinum á hestinum.
Og þetta er bara það sem ég hef verið að dunda mér við að næturlagi!
Á daginn hef ég mætt til vinnu og prógramerað, konfigurerað, kubbað og límt eins og ég fengið borgað fyrir það (hah, ég fæ borgað fyrir það!). Ég er líka búin að fara í bíó að sjá Sex and the city (tók að því tilefni persónuleikapróf á facebook og komst að því að ég er Carrie) og byrja á sumarkúrsinum mínum, hanga á netinu, kaupa rafmagnstennisspaða til að veiða flugur með (og fara út á fluguveiðar því það voru engar flugur inni og Jonas var hræddur við mig svona atvinnulausa með rafmagnsspaða í höndinni). Síðas en ekki síst er ég búin að vera að smíða :) Við erum að búa til blómabeð í garðinum okkar. Þið sem hafið komið heim til okkar (hmm það eru allt of fáir! Koma í heimsókn takk!!) vitið að við eigum engan garð en fínan pall eigum við. Við erum s.s. að smíða kassa sem út við handriðið á pallinum okkar sem við ætlum svo að fylla með mold og kalla blómabeð.
Ef myndavélin okkar væri ekki biluð myndi ég láta fylgja með mynd af mér vígalegri með rafmagnsspaðann (og kannski reyna að ná angistarsvipnum á Jonasi líka) og svo aðra þar sem ég pósa með borvélina. Mjög vígaleg get ég sagt ykkur.

Fyrsti vinnudagurinn

2008-06-23T09:01:00.001+02:00

Bun ad vera herna i halftima og sa sem er yfir mer er ekki kominn og engin veit hvenaer hann kemur. Tangad til get eg glapt ut i loftid (eda stolist i tölvuna a medan Jonas er a klosettinu).

og aftur

2008-06-21T21:21:00.002+02:00

Hér ligg ég á meltunni uppi í sófa nýbúin að stúta vænum hamborgara og súkkulaði drulluköku (ég bjó ekki til nafnið!).
Pabbi kom í heimsókn á fimmtudaginn og síðan þá hefur eiginlega verið stanslaus átveisla :)
Á mánudaginn byrja ég svo að vinna. Ég verð að vinna hjá Jonasi við að setja saman öryggishnappa fyrir gamalt fólk (Jonas vill reyndar meina að það sé ekki það sem ég á að gera en hvað veit ég svosem, það er alla vega e-ð svona legó). Aðalatriðið er að ég fæ borgað fyrir það ;)
Við ætlum svo að koma til Íslands 4.-20. júlí, endilega panta tíma hjá undirritaðri í skemmtilegheit.

Hæ hó og jibbíjibbíjibbíogjei!

2008-06-17T19:18:00.002+02:00

Það er komið blogg hjá GuðrÚnu :)
Ekki slæmur dagur til að brjóta ísinn eða hvað ;)
Búin að vera í svo miklu skrifstuði á dag að það er best að halda áfram. Kláraði skýrsluna mína, gerði "abstract" fyrir skýrsluna og skrifaði "Lifandi vísinda" grein upp úr skýrslunni og búin að fá þetta allt saman samþykkt (nema Lifandi vísinda greinina enda er leiðbeinandinn minn ekki enn búin að fá að sjá hana).
Í gær hélt ég svo kynninguna á lokaverkefninu og var bara ótrúlega góð (alltaf jafnhógvær sko).
Þannig í dag er aldeilis tilefni til að fagna! Og geri ég það hér og nú á meðan ég bíð eftir að þvottavélin klári: ég er að borða alíslenskan þrist :)

Þessir Svíar!

2008-02-19T21:21:00.003+01:00

Bólur og fólk frá Finnlandi er nákvæmlega sama orð á sænsku!
Ekki skrýtið að Finnum sé illa við Svía!

Er verið að reyna að segja mér e-ð?

2008-02-18T20:41:00.002+01:00

Þegar ég flutti til Svíþjóðar lenti ég í vandræðum með að komast inn í háskólann. Mér var sagt að til þess að geta lært nokkurn skapaðan hlut í raunvísindadeild yrði ég að bæta við mig eðlisfræði. Mér fannst það að sjálfsögðu út í hött þar sem ég er stúdent af náttúrufræðibraut og ætti því væntanlega að geta lagt stund á náttúrufræðigreinar eller hur?
Mér tóskt að liðka námsráðgjafan í efnafræðdeildinni svo hún hleypit mér í fyrsta efnafræðiáfangan en sagði að ég fengi ekki að taka fleiri fyrr en ég hefði reddað eðlisfræðinni. Ég er hins vegar ansi þrjósk og þver og fór til námsráðgjafann í eðlisfræðideildinni og fékk hann til að meta þá eðlisfræði sem ég hefði tekið í menntaskóla og samþykkti hann að ég væri alveg nógu vel undirbúin í eðlisfræði. Þetta samþykkti efnafræðideildin þegjandi og hljóðalaust og ég gat haldið áfram að læra efnafræði. Mig var hins vegar farið að langa að læra líftækni í tækniháskólanum og sótti um þar. é þurfti líka að sækja um undanþágu (út af eðlisfræðinni) og útskýrði að ég hefði verið samþykkt í háskólanum og þar sem báðir staðir hafa sömu inntökuskilyrði bjóst ég ekki við vandræðum hah! Svona er ég nú einföld! Í stuttu máli sagt komt ég ekki inn í lífefnatæknina.
Þá datt mér í hug að það væri kannski bara góð hugmynd að taka nokkur spennandi námskeið sem tækniháskólinn býður upp á, ég vissi að það ætti ekki að vera neitt mál að fá að taka námskeið svona á milli skóla. Ekkert mál ha? Til að mega taka þessi námskeið sem mig langaði í þarf maður undanfara sem oftast eru grunnáfangar sem kenndir eru á fyrsta ári í líftækninni, ekkert mál, ég gat nú alveg tekið e-a grunnáfanga fyrst. Ekki séns! Það er nefninlega ekki hægt að taka grunnáfanga ef maður er ekki í sjálfu prógramminu sjáðu til. Og hvernig í ósköpunum á maður þá að geta tekið einstaka kúrsa í tæknihákólanum eins og þið auglýsið? Spurði ég þá. Nú, það er bara fyrir þegar útskrifað fólk... úr tækniháskólanum að sjálfsögðu. Þá var ég nú eiginlega bara búin að fá nóg í bili svona.
En núna þgar liðin eru tæplega 2 ár frá síðustu tilraun minni til að komast inn í tækniháskólann ætlaði ég að gera aðra tilraun. Ég ætlaði að sækja um mastersnám í matvælafræði. Þetta er alþjóðlegt mastersnám sem kennt er á ensku og mér virtist á heimasíðunni að aðalatriðið væri að vera með bachelorpróf í raunvísindum og svo voru nokkur atriði talin upp sem maður varð að kunna. Þar sem ég var að þessu í haust og hvaði þ.a.l. nógan tíma til að bæta við mig því sem mig vantaði uppá til að komast inn í prógrammið hef ég samband við námsráðgjafa þar sem sedir mig áfram til næsta ráðgjafa sem sendir mig áfram til deildarstjórans. Sá tók sér hins vegar 2 mánuði í að svara mér (eftir ítrekanir) og var svo vinarlegur að svara mér degi eftir að umsóknarfrestur í námskeið fyrir vorönnina rann út. Í stuttu máli skrifaði hann að hann vild ekki sjá mig í skólanum sínum. Í ögn legra máli sagði hann að ég hefði nú eiginlega ekki nógu teknískan bakgrunn og ég ætti að reyna að taka e-a kúrsa í líftækninni (haha góður þessi!). Þar sem ég kannaðist við stelpu sem var matvælafræðiprógramminu og hafði komist inn þó hún væri með bachelorpróf í líffræði ákvað ég að gefa meira eða minna skít í þennan gaur og sækja samt um.
nema hvað, í gærkvöldi er ég svo að skoða þetta á netinu og kemst að því að umsóknarfresturinn fyrir prógrammið far 1. febrúar. Glæsilegt!

Ps: ég er búin að meila þeim og væla og þau sögðu mér að mér væri velkomið að sækja um fyrir haustið 2009 :)

Hver segir að aðalatriðið sé að vera með?!?

2008-02-17T16:10:00.002+01:00

Í dag var ruslaskemmtun í húsfélaginu mínu. Það er s.s. verið að vígja nýja ruslakompu og að sjálfsögðu eru puslur í boði og keppnir af ýmsu tagi ;)
Sem fyrirmyndargrannar mættum við Jonas á þessa líka fínu skemmtun og "gæddum" okkur á pylsu (af e-m ástæðum hafði ég búist við pylsum sem minntu á SS og varð því fyrir miiiklum vonbrigðum) og tókum þátt í öllum getraunum sem hægt var nefna barnaþrautinni, pökkuðum mjólkurfernum ofan í kassa af miklum móð (ég náði að jafna metið), reyndum að leysa orðaþraut en gekk nú ekkert of vel og tókum þátt í happdrætti þar sem Jonas fékk vinning! bíðum í ofvæni eftir vinningnum sem er að vænta í næstu viku og krossum fingur fyrir að vinna í mjólkurfernupökkuninni og orðaþrautinni. Síðast þegar við tókum þátt í keppni á vegum félagsins unnum við einmitt stuttermabol merktan steypuhræristöð í XL og 3 cm hátt, mosagrænt kerti. Það verður erfitt að toppa þessa vinninga.

Jahá

2008-02-14T17:59:00.003+01:00

Ætli það sé ekki bara best að ég hætti að koma með yfirlýsingar um hvernig gengur með tilraunirnar, dagurinn í dag var nefninlega bara ljómandi skemmtilegur :)
En ef ég ætla ekki að tala um tilraunirnar hef ég svosem ekkert að segja... ég geri nákvæmlega ekkert annað þessa dagana... á morgun er ætlunin að gera sér dagamun og skella sér í bíó að sjá Svíní Todd :) Ég er meira að segja búin að panta miða (já, Svíþjóð!)
Og svo fer nú að styttast í skíðaferðina :)

What goes up

2008-02-13T20:01:00.002+01:00

Úff!
Eftir svona líka ótrúlega skemmtilega byrjun á kúrsi hefur síðasta ein og hálfa vika líka verið alveg óendanlega leiðinleg!
Tilraunin hljómaði mjög spennandi, fengum sýni með 3 mismunandi próteinum sem við áttum að greina hver væru með mismunandi tegundum af "krómatógrafíu".
Tjah, eins vel og það hljómar finnst mér allur tíminn hafa farið í að bíða, bíða eftir að þetta og hitt gelið sé tilbúið, bíða eftir að fá að vita hvort þetta og hitt gelið sé í lagi, byrja svo aftur á sama gelinu því maður fékk vitlausar upplýsingar og svo framvegis. Fyrir utan þessa endalausu bið er ekki eins og allt hafi gengið smurt fyrir sig... endalaust vesen bara! Get ekki beðið þangað til þessi vika er búin! Þá eigum við reyndar eftir að skrifa eins og eina skýslu um herlegheitin og hrista eina litla kynningu fram úr erminni en svo er þessi yndislega krómatógrafía úr sögunni og bara ein tilraun eftir! 29. febrúar er svo kennslan búin og bafra eitt smáverkefni fram að prófi sem er 27. mars. S.s. næstum mánuður í "fríi".
Ég er farin að telja niður dagana :)

Bollabolla!

2008-02-04T22:43:00.000+01:00

Ég og Jonas föttuðum í gær um tvöleytið þegar við vorum að labba til mömmu Jonasar til að vökva blómin að það væri líklegast bolludagur í dag. Þá fannst mér lífsnauðsynlegt að bjóða í bollukaffi og áður en ég vissi af var ég búin að bjóða 10 manns í bollukaffi. Þá rifjaðist upp fyrir mér að ég hef aldrei bakað vatnsdeigsbollur, aðeins verið áhorfandi einu sinni... við komum svo heim kl halffjögr og klukkutíma síðar voru þessar líka fínu bolludagsbollur tilbúnar!
Gestirnir urðu nú bara 3 en þið vitið hvað það þýðir: "meira fyrir okkur" ;)
Í kvöld er bara ein bolla eftir. Hún er með 2 hindberjum, marsípani, rjóma með bræddu 72% súkkulaði (frá Equador ;)) og svo sænsku "suðusúkkulaði" ofaná. Endilega komið í bollukaffi og borðið hana, ég er alla vega búin að fá nóg!

Nostalgía

2008-01-31T23:12:00.000+01:00

Fengum okkur ís með perum úr dós í eftirmat í dag. Það minnir mig sko á gamla tíma. Við fengum oftar en ekki ís með perum úr dós og súkkulaði ísingu í eftirrétt á sunnudöum þegar ég var yngri. Ég bjó meira að segja (alveg óvart) til hálfgerða súkkulaðiísingu á ísinn svo þetta var bara nánast alveg eins.
Svolítið stress blandað við alveg heilmikið kæruleysi hér þar sem ég er að fara að halda kynningu í fyrramálið á tilrauninni (með svínshjartað) sem við höfum verið í 2 síðustu vikur. ég er búin að vera súpersamviskusöm í tilraununum, ótrúlega dugleg í öllum útreikningum, skil algjörlega allt en er svo ótrúlega löt við að undirbúa mig fyrir kynninguna. Úff, verður bara að reddast því ég er sko farin að sofa.
Svo þegar ég er búin að kynna verkefnið er komið óendanlega langþráð helgarfrí! Ég hlakka til að þrífa og hanga fyrir framan sjónvarpið og fara að versla í matinn og elda góðan mat. jamm, það hefur verið mikið að gera síðustu vikur...

Bara til staðfestingar fyrri færslu

2008-01-30T17:55:00.000+01:00

þá var ég að fá út úr prófinu mínu í örveru- og ónæmisfræði (kallar maður ekki immunolgy ónæmisfræði?) og var með 89 stig af 83 sem gefur u.þ.b. 8,3 sem þýðir sko bara VG eða val godkänt eða vel staðist :)
Þess ber að geta að þetta er mín fyrsta VG einkunn en alls ekki sú síðasta!!

Ég er alveg hreint óhótrúlega klár!

2008-01-29T18:15:00.001+01:00

...þó ég segi sjálf frá (hógværð mæ es!)
Ég og labbfélagi minn (fyrir ykkur "minna kláru"; sú sem ég geri tilraunir með) kláruðum tilraunina í dag, degi á undan áætlun. Ekki nóg með það, heldur er ég orðin prívatkennari einnar stelpu í kúrsinum sem kemur miklu frekar til mín með spurningar en kennarans. Gæti verið að ég sé að nálgast ofmetnað en ég er alveg tilbúin að taka sénsinn, ekkert smá gaman að vera svona óendanlega klár annað slagið ;)

Mer er kalt

2008-01-27T18:35:00.001+01:00

Jaeja, ta er madur buinn ad vera i höfudborginni i 2 daga og hafa tad bara svona lika ljomandi fint :)
Finasta ibud hja Sigrunu og Erling, helsti gallinn er stadsetningin, svona lika langt fra Lundi ;) og svo er svolitid kalt nidri i bae hja teim.
Ljomandi fint annars.

Svínshjörtu, lifur, spínat, mödlur og ger

2008-01-24T18:00:00.000+01:00

Hvað á þetta allt saman sameiginlegt?
Jú, í dag vorum við að mixxa og merja þetta niður í litlar einingar og byrja að einangra ákveðin prótein.
Þetta leit hálfeinkennilega í morgun þegar hver hópur fyrir sig var með venjulegan heimilismixer að mixa niður e-ð matarkyns.
ég og félagi minn ætlum að hreinsa hexokinas úr svínshjörtum og gengur bara svona líka ljómandi vel! Erum búin að hómógenisera, athuga hvort það sé virkni í gumsinu okkar, ákvarða heildar próteinmagnið og athuga hvort próteinið okkar þolir saltið sem við ætlum að nota til að ná próteininu okkar úr gumsinu.
ótrúlega gaman að fá að ráða sjálfur (ekki einu sinni innan skynsamlegra marka, ef við erum út í móa og spyrjum ekki ráða fáum við sko bara alveg að vera úti í móa, ef við spyrjum ráða fáum við nú samt alltaf hjálo ;))
Þrátt fyrir skemmtilegheit er þetta ansi krefjandi og þar af leiðandi er heilinn minn ansi freðin svo ég held ég láti þetta nú bara gott heita

ps: ég flýg til Sigrúnar á morgun eftir tilraunina! Flýg kl 17:45 og tilrauninni líkur kl 17:00... það tekur 45 mín að keyra út á völl, ekkert mál fyrir Jón Pál ;)

rómó

2008-01-21T12:18:00.000+01:00

Það er svo ferlega rómó lýsingin inni á gestaklósetti (já, maður þarf sko 2 klósett í 3 herbergja íbúð... alla vega í Svíþjóð) hjá okkur núna, 3 perur af 4 farnar. Einhvern veginn efast ég um að við gerum e-ð í því fyrr en sú fjórða ver :Þ
Það var ekki fallegt námskeiðsmatið sem ég gerði fyrir kúrsinn sem ég var í! En ég meinti sko hvert einasta orð, þetta var verst skipulagði kúrs sem ég hef tekið þátt í.
Var að byrja í nýjum kúrsi í dag og var örlítið stressuð í nafnakallinu því það var svo ótrúlega mikið af fólki þar sem ég nennti ómögulega að vera með í kúrsi. Sem betur fer voru þetta 4 mismunandi kúrsar og leiðindagaurarnir voru að sjálfsögðu að fara í leiðindakúrsana svo þetta slapp ;)
Líst bara ágætlega á kúrsinn og þá sem eru með mér í honum. Búin að ná mér í labb félaga og allt :)

Lýsi

2008-01-20T11:53:00.000+01:00

Það hringdi sölumaður í fyrradag.
Eins og venjulega hringir hann um miðjan dag og spyr eftir Jonasi en gatt sætt sig við að tala við mig í staðinn og þar sem
ég hef ekkert verið heima á daginn að undanförnu og þar af leiðandi losnað við sölumenn þá nennti ég að hlusta á hana í þetta skipti ;)
Hún var þá að spyrja mig hvot ég hefði heyrt talað um ómega-3. Hvort ég hafði en ekki tókst henni þá að selja mér ársbyrgðir af hylkjum með þessum nýjasta lífselexír þar sem ég tilkynnti henni stolt að ég ætti sko íslenska fiskalifurolíu í ísskápnum!

Búin

2008-01-18T13:02:00.000+01:00

og gekk bara ágætlega, hefði samt alveg mátt ganga betur því ég held ég sé alveg á mörkunum með að fá VG, bölvaðir þurftu að hafa mörkin við 80% en ekki 75%.
Prófið var alveg nákvæmlega eins og kúrsinn, algjörlega út í hött!
Reyndar var prófið sjálft næstum því nákvæmlega eins og ég bjóst við (enda fór kennarinn í gengum prófið í síðasta tíma fyrir próf, nánast lið fyrir lið meira að segja með prófið fyrir framan sig).
Fyrst átti prófið að vera frá 9-12 en því var breytt í 8-13 (með alla vega 2 vikna fyrirvara svo ekki er hægt að kvarta yfir því!). Í síðasta tíma fyrir próf sagði hann hins vegar að við mættum bara alveg ráða hvenær við kæmum í prófið, ef við gætum ekki hugsað kl þá bara koma kl 9, ekkert mál! Það var heldur ekki svo nojið hversu lengi við sætum í prófinu, ef við værum ekki búin kl 13 þá bara hættum við þegar við værum búin. Ferlega næs bara ha. Heyrðu, svo mæti ég í prófið kl 8 stundvíslega og þá segir kennarinn að við getum sótt prófið á borðið þarna en hann þyrfti að fara til læknis (var með e-a augnsýkingu). Sagði líka að við þyrftum nú ekki að sitja svona dreift, gætum nú alveg setið hliðina á hvort öðru (?!). Svo fór hann og skildi okkur ein eftir með símanúmerið hans á töflunni! Kom reyndar klukkutíma seinna en þar sem engin hafði spurningar fór hann bara aftur. Næs.
Ég hlýt bara að vera orðin svona hræðilega sænsk en mér fannst þetta alveg fáránlegt og hefði sko bara viljað hafa þetta stíft með prófvörðum og maður fái ekki að taka prófið ef maður kemur meira en 45 mín. of seint og að sjálfsögðu að maður þyrfti að sýna skilríki og allan þann pakka.
Annars er ég andlaus, ekki þreytt samt og ekkert spennufall... ætla bara samt að hanga í tölvunni og horfa á sjónvarpið það sem eftir lifir dags!

Guðrún

Það er e-ð bogið við þetta

2008-01-17T15:08:00.000+01:00

Klukkan er þrjú degi fyrir próf, ég er ekkert stressuð, hef engar áhyggjur af því að ég kunni ekki neitt og skilji ekki neitt.
Ég er búin að læra fyrir prófið!!
Þetta er í alvöru í fyrsta skipti á æfinni sem ég hef engan áhuga á aukadegi fyrir undirbúning.
Svosem alltaf hægt að troða fleiri staðreyndum inn í hausinn en næstu klukkutímana ætla ég bara að hanga í tölvunni :)

Að bjarga heiminum

2008-01-11T23:17:00.000+01:00

Ég fæ stundum gífurlega löngun til að bjarga heiminum á einu bretti! Fæ kannski e-a "snilldarhugmynd" yfir skólabókunum og fyrr en varir er ég búin að ýta bókunum til hliðar og er komin langleiðina með að skipuleggja eitthvert stórvirkið. Ég á í erfiðleikum með að sofna um kvöldið fyrir spenningi um kvöldið og get ekki beðið eftir að hrinda verkefninu í framkvæmd daginn eftir. Ákafinn er hins vegar löngu horfin þegar vekjaraklukkan er búin að hringja tvisvar og ég enn að velta því fyrir mér hvernig ég eigi að komast fram úr rúminu.
Í vetur var ég að lesa tvo kúrsa um algjörlega óskyld efni, annars vegar matvælaframleiðslu og hins vegar örverur. Í báðum tilvikum var komið inn á "vonleysið í Afríku".
Í matvælakúrsinum voru nokkur atriði sem gripu mig: það er til nógur matur í heiminum, hann er bara á vitlausum stöðum. Áburðurinn sem notaður er í dag, á þegar auðuga jörð, á Vesturlöndum til að nú fram nokkurra prósentu aukningu í uppskeru myndu skila margfalt meiri árangri á sendinni jörð í Afríku. Þar hafa bændurnir hins vegar ekki efni á þessum áburði (frekar en erfðabættu korni sem líka myndi auka uppskeruna). Ef þeir gætu eignast þennan áburð myndu þeir hins vegar hafa efni á áburðinum ef þið skiljið...
Í örverukúrsinum voru það að örverurnar sem herja mun meira á Afríku en okkur hér á Vesturlöndum öll þessu snýkjudýr sem valda vanlíðan og dauða. Mörg vandamálin væri auðvelt að uppræta með bættu hreinlæti og ég tala nú ekki um örlitlum sýklalyfjum sem eru sjálfsögð hér á Vesturlöndum.
Að lesa þetta allt á sama tíma fékk mig til að hrinda af stað gríðarstóru verkefni (í huganum). Það versta er að ég get ómögulega munað í hverju verkefnið fólst, man bara að ég ætlaði að fá Ólöfu alþjóðaviðskiptafræðing með mér í lið og fá svo allan saumaklúbbinn með okkur í hugmynda vinnu og annað...
ojæja, ég get alla vega huggað mig við það öll þessi meindýr sem herja á Afríkulöndin hafa líklega orðið til þess að ofnæmi er mun óalgengara þar en á Vesturlöndum þar sem aumingjas IgE antikropparnir hafa ekkert betra að gera en að mynda ofnæmi...

Minna en vika í próf

2008-01-11T22:31:00.000+01:00

og ég held geðheilsunni... enn um sinn!
Búin að vera eins og fyrirmyndarnemandi síðan eftir jólafrí (þ.e. í rúma viku) og hef hugsað mér að halda því áfram fram að prófi.
Enda held ég mér veiti ekkert af ef ég ætla að ná þessu prófi. [pirr byrjar] Ég tel mig nú alls ekkert treggáfaða, mætti kannski vera samviskusamari stundum en í þetta eina skipti er bara engan vegin hægt að kenna slæmri ástundun um stöðuna hjá mér. Vandamálið er leti og skipulagsleysi og nú, í fyrsta skipti, ekki mín leti eða skipulgasleysi heldur kennarans!
Stundataflan breytis frá degi til dags, við höfum fengið um 70% fyrirletranna sem stóðu á stundaskránni og 2 tilraunir af 8. Og já, dagsetningunum á báðum þessum tilraunum var breytt með minna en viku fyrirvara þannig að ég gat ekki einu sinni gert þær báðar!
Í dag breytti kennarinn próftímanum (ekki svo alvaralegt reyndar er 8-13 í staðin fyrir 9-12 sem þýðir jú bara meiri tími) og ákvað að segja okkur hvað væri til prófs á þriðjudaginn í næstu viku í staðin fyrir í dag, síðasta skóladag.
Og já, við erum með 2 hnausþykkar bækur í þessum kúrsi sem eru báðar mjög lélegar (já, kennarinn viðurkennir það sjálfur) og enga lestraráætlun, engin verkefni og bandvitlaus fyrirheit um fyrirlestra í stundaskránni. Stuð að undirbúa sig fyrir próf ha?
Nei, hann fær ekki fallega umsögn frá mér kennarinn. [pirr endar]

Annars segi ég nú bara allt gott, ég og Jonas tökum gymmið með trompi svona í byrjun árs, óskandi að það endist í meira en 2 vikur :Þ

Svona í tilefni fyrri pósts af því ég er svo rammpólitísk eða þannig..

2008-01-08T19:55:00.000+01:00

Ég bara get hreinlega ekki orða bundist! Ég lofa lofa lofa að skrifa ekki fleiri svona blogg alla vega næsta mánuðinn.
Rakst s.s. inn á þetta blogg í gær svosem ekkert í fyrsta skipti og ótrúlegt en satt þá er ég bara ekki alveg sammála.
Hann er s.s. að tala enn eina ferðina um "alla" þessa hræðilegu innflytjendur á Íslandi sem gera ekki annað en að stela, svíkja og sníkja af kerfinu (ehe, kannski pínu skreytt hjá mér) og er það heilbrigðiskerfið í þetta skipti. Honum finnst s.s. ekki sjálfsagt að útlendingar fái sömu þjónustu og Íslendingar frá heilbrigðiskerfinu enda eru þeir ekki búnir að vera að borga skatta í mörg ár til að byggja upp kerfið. Og þar sem þeir útlendingar sem á annað borð borga skatta eru með svo lág laun, þá duga laun þeirra nú ekki langt til þess að halda heilbrigðiskerfinu uppi. Jamm, þá fékk ég einmitt þessa snilldar hugmynd að meina bara eldri borgurum aðgang að íslenska heilbrigðiskerfinu, enda borga þeir nánast enga skatta og eru þess vegna ekkert nema byrði eða hvað? Félagi var nú ekki alls kostar sáttur við þennan hroka í mér (greinilegt að írónía kemst ekki til skila á netinu) enda er þetta fólk búið að byggja upp landið og þar með talið heilbrigðiskerfið.
Aha! Byggja upp landið. Hvað hafa einmitt þessir útlendingar verið að gera? Jú, byggja upp landið. Byggja virkjanir, byggja hús og þeir sem ekki hafa verið að byggja upp landið hafa verið að halda heilbrigðiskerfinu gangandi sem sjúkraliðar og ummönnunaraðilar!
Ég held að allt of margir Íslendingar séu of uppteknir af sínum litla nafla. Hvað með okkur Íslendinga sem búum erlendis?
Nú bý ég í Svíþjóð og borga ekki krónu fyrir að vera í háskólanámi hér. Ég fæ alla þá læknisþjónustu sem ég þarf (þó heilbrigðiskerfið hérna sé alveg fáránlega þunglamalegt þá er það alla vega jafnt fyrir alla) og enn ódýrara en heima. Ég fæ meira að segja 2000 SEK á mánuði fyrir það eitt að vera í háskóla og gæti fengið lán upp á 6000 SEK í viðbót ef ég vildi frá sænska LÍN. Þrátt fyrir þetta hef ég ekki borgað krónu í skatt í þessu landi, er meira að segja með skattalega heimilisfesti á Íslandi og engin finnur að þessu eða hvað?
Þá gætu sumir sagt: "en þetta er jú innan Norðurlandanna". Eigum við þá að ákveða það landfræðilega hvaða þjóðir eiga að fá að nota íslenska heilbrigðisþjónustu, eða enn betra, veita þeim þjónustu sem koma frá löndum sem okkur þætti spennandi að búa í?
Sumir gætu reynt að malda enn í móinn og segja: "fólk frá löndum sem er ekki með sambærilega þjónustu ætti ekki að fá þá þjónustu á Íslandi". Úff. Er ekki allt í lagi að Ísland fari að gefa aðeins til baka? Það er ekkert sjálfgefið að þiggja bara endalaust og hjálpa bara þeim sem geta hjálpað sér sjálfir! Ísland er eitt af allra ríkustu þjóðum heims og ég held það færi nú ekkert alveg með okkur að aðstoða aðra svona annað slagið og hana nú.

Er ég ekki sniðug?

2008-01-08T19:54:00.001+01:00

Tjah, mér finnst það alla vega... spurning hvað mömmu finnst ;)

Guðrún hrokafulla ;)

bíðibíð...

2007-12-23T14:58:00.000+01:00

Jæja, nú er búið að þrífa allt hátt og lágt, næstum búið að pakka og bara nákvæmlega allt tilbúið fyrir Íslandsför :)
Það eru hins vegar enn 2 tímar í brottför og ég veit ekkert hvað ég á að gera við allan þennan tíma :Þ
Annars er svo fín ljósin hjá mér og jólablómin og öll kertin að ég er strax farin að hlakka til að koma aftur heim ;)
Hlakka samt enn meira til að koma heim til Íslands :)

Gleðileg jól allir saman

Smá dokkjúmentasón

2007-12-15T23:47:00.001+01:00

Frænka mín að brillera á tónleikunum sínum

Ég á leiðinni á fyrra ballið tilbúin að syngja Bugsy Malone með fjaðrir um hálsinn (ég hef ekki hugmynd um af hverju stafirnir eru bláir og það er lína undir)
orðið svolítið jólalegt í stofunni
Líka jól í eldhúsinu

smákökur (frá mömmu) og "smá"kökur (frá mér) á sama fati

Læt eins og ekkert sé...

2007-12-15T23:24:00.000+01:00

ég skildi víst við ykkur á bókasafninu... þangað hef ég varla komið síðan ég skrifaði þá færslu!
ég hef hins vegar gert ýmislegt annað.

Fékk mömmu í heimsókn
fékk smákökur frá mömmu
fór til Uppsala að hlusta á móðursystur mína brillera á tónleikum

dróst aftur úr í skólanum

Söng Bach och Bäck á tónleikum með fína kórnum mínum með enn fínni stjórnanda (Dan-Olof Stenlund)

skipulagði rúmlega 100 manna ball (með "smá" hjálp, takk fyrir hjálpina b.t.w. ;)... smá innansveitarhúmor hér...)
söng um Bugsy Malone með fjaðrir um hálsinn

bakaði "smá"kökur úr 20 eggjahvítum

hét því að vinna upp letina í skólanum

varð þá veik

dróst aftur úr í skólanum
Skráði mig á facebook?!??

hélt annað ball, 120 manns þar af 50% undir 7 ára aldri
söng úr mér lungun
missti röddina

missti af síðustu æfingu fyrir jólatónleika með fína kórnum mínum
missti af tónleikum með fína kórnum mínum

fór í fýlu yfir hvað þetta er illa skipulagður kúrs og leiðinlegir bekkjarfélagar

missti Jonas í jólaboð...til Spánar!

Mætti á generalprufu fyrir aðra jólatónleika með fína kórnum mínum
söng úr mér lungun.... minnst 7 sinnum... á æfingunni
missti af öðrum jólatónleikum með fína kórnum mínum

keypti allar jólagjafir

ákvað að gerast söngleikjastjarna.

Bókasöfn

2007-11-16T14:50:00.000+01:00

Þessu nýja lærdómsæði mínu get ég að stórum hluta þakkað bókasöfnum bæjarins. Ég get setið sleitulaust í næstum 10 tíma með 20 mínútna hádegishléi og nokkrum pissupásum á Háskólabókasafninu meðan ég þarf að pína mig í svo mikið sem hálftíma hérna heima!
ég uppgvötvaði í raun ekki Háskólabókasafnið fyrr en á þessari önn og hef notað það óspart síðan þá, sérstaklega síðasta mánuðinn. Bókasafnið r í gömlu virðulegu tíbulsteinshúsi og það vex klifurplanta utaná því sem verður ótrúlega fallega dökkrauð á haustin. Það er nóg af lesaðstöðu í húsinu. Bókasafnið er á nokkrum hæðum en ég hef líti verið að flakka á milli hæða og er búin að afmarka mér svæði á neðstu hæðinni þar sem er lesstofa með u.þ.b. 40 básum. Þar hefur maður lítinn bás með lítilli hillu, gömlum slitnum stól, leslampa, innstungu fyrir tölvur og á endunum eru hankar þar sem maður getu hengt af sér. Alveg nákvæmlega það sem maður þarf og ekkert umfram. Í kjallaranum er lítil kaffistofa sem selur kaffi, te, kalda drykki, sætindi og heitan mat í hádeginu. Það er ótrúlega þægilegt að sitja þarna í hádeginu og borða heitan mat (maður getur valið milli 3 rétta; heimilsmatur, grænmetisréttur og "mikill matur fyrir lítinn pening" réttur og allt á innan við 60 krónur) í rólegheitum, það er svo miklu afslappaðri stemning þarna heldur en t.d. í næsta húsi þar sem málvísindadeildin er með hipp og kúl matsölu.
Helsti galli bókasafnsins er hins vegar að andrúmsloftið er vöðvabólguvaldandi! Fyrir utan það að ég gleymi mér algjörlega í lestri, þá eru stólarnir ekki mjög þægilegir (þó ekki svo slæmir miðað við aldur og fyrri störf) og það sem er verst er hversu ótrúlega kalt er þarna inni. Ég er í ullarsokkum, flíspeysu og með trefil. Eftir hádegi fæ ég mér svo te, ekki til að drekka, heldur til að halda á til að reyna að fá yl í útlimi og höfuð (já, ég ég legg bollann upp að höfðinu á mér svo að ég missi nú ekki nefið). Bókin í kúrsinum sem ég byrjaði í í síðustu viku hefur verið uppseld í Lundi síðan kúrsinn byrjaði svo ég hef þurft að sitja á bókasafni og lesa. Því miður er Háskólabókasafnið hætt að kaupa inn allar skólabækur, nú kaupir það bara allar sænskar bækur sem eru gefnar út. Þess vegna þurfti ég að fara á bókasafn deildarinnar sem kúrsinn minn er kenndur í. Það bókasafn er í Vårdvetenskapliga huset. Þangað hafði ég aldrei komið og varð ekki lítið ánægð þegar ég sá að það var í ekki nema 5 mínútna fjarlægð heiman frá mér. Bókasafnið er mjög flott og Kaffiterían þar er æðisleg! Stór en með mjög góðum mat og hlýlegu umhverfi.
Á bókasafninu getur maður valið á milli þess að stija í básum eins og á aðalbókasafninu, í hægindastólum sem vísa út að risastórum glugga inn í garð, eða við svokölluð hópvinnuborð þar sem eru þæginlegir skrifborðsstólar. Það besta er kannski að hitastigið er vel yfir frostmarki, ég þarf ekki einu sinni að vera í flíspeysunni minni þarna inni!
Ég kom mér vel fyrir í svotilgerðum lesbás sem leit alveg eins út og á bókasafninu "mínu". ég var ekki búin að sitja þar lengi þegar ballið byrjar. Allt í kring um mið situr fólk sem er greinilega að lesa sama kúrsinn og er í raun bara að læra saman. Þau tala hátt á milli básanna, spjalla og hlægja og skemmta sér konunglega. Inn á milli eru þau hljóð og einbeita sér að lesttrinum með Ipodinn í botni og ég fæ að njóta með...
Algjörlga ómögulegt að einbeita sér í þessum hávaða! Já, fyrst og fremst út af hávaðanum, svo bætist við frústerasjónin yfir að þau skuli vera að tala svona hátt á hljóða lessvæðinu. Svo byrjar maður að hugsa af hverju í ósköpunum þau sitji ekki á hópavinnusvæðinu (sem er tómt!) og þá byrjar maður í huganum að æfa ræðuna sem maður ætlar að halda yfir þeim. Svo eyðir maður smá tíma í viðbót í að reyna að sannfæra sjálfan sig um að standa nú upp og halda ræðuna en tekst ekki. Þá verður maður frústreraður yfir því að maður skuli ekki geta druslast til að biðja þau um eins sjálfsagðan hlut eins og að þegja á lessvæðinu og þá er maður búinn að lesa heilan kafla án þess að hafa hugmynd um hvað hann fjallar...
ég var alla vega himinlifandi í gær þegar ég fékk sms um að bókin mín væri komin! Eins frábært og það hefði verið að geta lesið svona nálægt heima og jafnvel án vöðvabólgu, þá held ég að geðheilsan sé mikilvægari.

Það er svo erfitt stundum að haga sér vel

2007-11-16T14:32:00.000+01:00

Ég kunni að sjálfsögðu fullt um malaríu í dag! Var samt því miður ekki afgerandi best, "hin stelpan" í hópnum mínum (s.s. ekki þessi óþolandi) hafði dottið niður á einhverjar fínar greinar og vissi heilan helling líka en samt um aðra hluti en ég svo við vorum eiginelga gott dúó. En það er svo fáránlega erfitt að sitja á sér og leyfa hinum að tala og ekki grípa fram í þegar maður veit sko sjálfur alveg nákvæmlega hvernig hlutirnir eru...
Ég rétti góðvinkonu minni úr síðasta bloggi greinina um kínín og tónik og hún las hana og skilaði svo greininni með þvinguðu brosi. Ég fékk svosem ekkert svo brjálæðislega mikið út úr þessum "sigri" mínum. Veit svosem ekki við hverju ég bjóst, að hún stæði upp og tilkynnti yfir allan bekkinn að hún hefði haft rangt fyrir sér og ég rétt fyrir mér og að hún hefði síðan beygt sig niður og kysst á mér tærnar... ég hefði svosem ekki haft neitt á móti því ;)

ég bitur?

2007-11-14T17:06:00.001+01:00

Ég er búin að vera svo óhótrúlega dugleg að læra undanfarið að það hálfa væri nóg! Ég hef nefninlega haft óteljandi ástæður fyrir duglegheitunum:
-Búið að vera frekar mikið að gera í "félgslífinu" (t.d. fullt af skemmtilegum heimóknum :)) og það á sko aldeilis ekkert eftir að minnka (fleiri heimsóknir, fara í heimsókn, undirbúa 2 böll, syngja á fullt af tónleikum...)
Ég er að halda áfram með fjarnámskúrsinn sem ég ætlaði að taka í sumar ehem :Þ
Ég er/var með endalaust samviskubit yfir að vera ekki komin með bókina í hendurnar fyrir kúrsinn sem ég er í núna (alla vega vika í hana ennþá!)
Enn meira samviskubit yfir að ætla að skrópa 3 daga í skólanum
og síðast en ekki síst keppnisskapið maður!
Bæði komst ég að því í síðasta kúrsi að ég gæti sko alveg verið "best" ef ég bara héldi mig við efnið og svo verð ég líka nauðsynlega að stinga öllu sem ég get ofan í stelpu sem er með mér í kúrsinum núna.
Eftir 2,5 ár í Svíþjóð er ég búin að greina "týpuna". Það er morandi af þessum stelpum hér í háskólanum, sérstaklega í efnafræðinn (því er nú verr og miður) en ég hef verið í fríi frá svona týpum síðan síðasta haust held ég. Þetta eru litlar sætar stelpur sem drekka nóg vatn og borða ávexti og grænmeti og virka mjög ljúfar á yfirborðinu. Þess vegna neitar maður eiginlega að trúa því að þær eru í rauninni óþolandi besservissara sem kalla sko ekkert allt ömmu sína! Þessar stelpur eru einmitt ástæðan fyrir því að ég hef lengi haldið því fram að Svíar séu allir fífl og ekki þess virði að reyna að vingast við þá.
Svo ég fari nú ekkert að æsa mig of mikið ætla ég bara að segja ykkur hvernig ég ætla troða niður í hálsinn á henni á morgun :) Við vorum að tala um malaríu og vorum að velta fyrir okkur lækningu og fyrirbyggjanlegum aðferðum. ég minnist á að ég hafi heyrt að í gamla daga hafi Englendingarnir drukkið gin og tónik því að það var efni í tónikinu sem átti að vinna á malaríu. ég meina hver hefur ekki heyrt þetta? Alla vega ekki hún og þvílík endemis vitleysa sem ég lét út úr mér fékk ég að heyra í þónokkurn tíma á eftir (ég bara trúi því ekki að engin annar í hópnum hafi heyrt þetta, þau hafa bara ekki þorað að segja neitt). Það var nú ekki minnst á tónik í bókinni okkar en nóg var talað um kínín. Og auðvitað er kínín í tóniki! Auk þess að ég skrifaði 4 blaðsíður fyrir næsta umræðuhóptíma prentaði ég út stutta grein fyrir hana úr wikipedia. Megi hún njóta!

Beðið eftir Sigrúnu

2007-11-04T11:16:00.000+01:00

Eini gallinn við að vakna alltaf á eftir Jonasi er að hann er mjög duglegur að klára morgunkornið/súrmjólkina/mjólkina. Það er ekkert spes að vakna kannski á síðustu stundu og uppgvötva að það er ekkert ætilegt í húsinu...
Annars bíð ég spent eftir Sgrúnu og allri fjölskyldunni. Þau ætla að vera hjá mér í allan dag :)

Ég var best í prófinu í dag!

2007-10-30T18:38:00.001+01:00

Bara svona að láta ykkur vita...

Sameining tveggja menningaheima

2007-10-28T14:58:00.000+01:00

Jonas reyndi að sameina tvo menningarheima í hádegismatnum. Hann blandaði saman hreinu skyri og eplamúss...
og þá er hann búinn að prófa það og telur það óþarft að prófa aftur...
Það sem hins vegar er vert að prófa aftur er að þeyta saman skyr, rjóma, egg, sykur og vaniludropa. Það verður gert um jólin :)

Ekki nóg með að ég sé sófistikeruð

2007-10-27T17:25:00.000+02:00

heldur líka alveg fáránlega eftirsóknarverð!
Þurfti s.s. að vera á tveimur stöðum og gat með engu móti sleppt öðru hvoru. Stjórnaði kirkjuskóla með Elínu milli 11 og 12 og var á kóræfingu með fína kórnum mínum frá 10 til 17.
Elín var að stjórna sínum öðrum kirkjuskóla og vildi þar af leiðandi ekki vera án mín...
við vorum hins vegar bara 2 í fyrsta sópran í dag, báðar nýjar... hin enn "nýrri" en ég, bara 19 og ég er skoho klárari en hún (þó hún syngi nú reyndar miklu betur en hvað um það) og fékk næstum taugaáfall þegar ég sagðist þurfa að skreppa í klukkutíma.
Jamm eins gott að lifa svolítið á þessu, ekki á hverju degi í útlandi sem ég er svona ómissandi og hvað þá á tveimur stöðum!

Býflugurnar og blómin...

2007-10-26T17:45:00.001+02:00

Við töluðum um "reproduction" í skólanum í dag. Það var nokkuð áhugavert. Ég komst að því að allir þessir saumaklúbbar síðustu ár hafa heldur betur borgað sig því ég var nánast með sögustund fyrir "krakkana" í dag ;)
Veit ekki hvort hátt hlutfall saumaklúbbsmeðlima í heilbrigiðisgeiranum eða nokkurra ára aldursmunur hafi verið ástæðan, en alla vega vissi ég barasta mikið meira um býflugur og blóm en þau!

Þokkalega sófistikeruð!

2007-10-23T21:46:00.000+02:00

Your Inner European is French!

Smart and sophisticated.
You have the best of everything - at least, *you* think so.

Who's Your Inner European?

Fræga fólkið

2007-10-15T14:40:00.000+02:00

Töffarinn sem stendur fyrir framan volvóinn og kíkir á klukkuna sína er mágur minn. Þessi sem situr í framsætinu með myndarlegu hormottuna er svo vinur þeirra bræðra.
Um þessar mundir er þessi sami hópur að gera mynd í fullri lengd með sama konsepti.
http://www.youtube.com/watch?v=cWYXlLdiTd0
Töff eller hur?

Verð að halda (blogg)dampi

2007-10-04T16:43:00.000+02:00

Takk fyrir allar afmæliskveðjur :)
Þar sem ég var í prófi á afmælisdaginn minn (sem n.b. gekk bara ljómandi vel aldrei þessu vant) ákváðum við Jonas að vera ekkert að halda neina veislu um helgina en gáfum hvort öðru lúxushelgi á hóteli í afmælisgjöf :)
Svo um leið og ég var búin í prófinu keyrðum við til Arild þar sem við fórum í spa og borðuðum æðislega 5 rétta máltíð og kampavín og súkkulaði uppi á herbergi og langan góðan göngutúr á afmælisdaginn hans Jonasar og komum mjög inspireruð heim á laugardagkvöldinu. svo inspireruð að við buðum slatta af fólki í kaffi á sunnudeginum.
Kannski fullinspireruð þar sem Jonas fór á æfingu á sunnudagsmorgninum og kom ekki heim fyrr en rúmlega þrjú en það var einmitt þá sem gestirnir komu... ég þurfti s.s. að þrífa, ákveða hvað ég ætlaði að baka, versla, baka og leggja á borð og svoleiðis. Svosem alveg geranlegt en hefði kannski verið gáfulegra að byrja fyrir 12 að hádegi... á e-n undraverðan hátt hafðist þetta nú samt allt saman og úr varð fínasta kökuboð.
Vikan hefur svo verið óvenjuþreytt, ætli við höfum ekki bara sofið of mikið um helgina! Ég fékk heldur betur að gjalda fyrir það í dag, mætti mínútu of seint í tilraun og var sett í hóp með strákunum :( það væri svosem alveg mjög þolanlegt ef 50% strákanna væri ekki óþolandi hollendingurinn!!
Ég lifði þetta svosem af þó ég hafi ekki beint skemmt mér vel. Hef þó alla vega lært af reynslunni og ætla aldrei aftur að mæta of seint í tilraun!
Ég svíf enn á bleiku skýi eftir helgina (og prófið sem gekk vel) og á þess vegna eftir að lesa 50 blaðsíður fyrir tíma í fyrramálið. Því miður ekki hægt að fresta því lengur.
Verð víst að halda dampi.

Hey!

2007-09-27T21:58:00.000+02:00

Loksins þegar ég er komi í blogggírinn og finnst ég vera búin að skrifa sniðug og hnittin blogg þá fæ ég engin komment á hvað ég er sniðug og skemmtileg!
Ég sem er að fara í munnlegt próf með óþolandi Hollendingum og 3 í viðbót í fyrramálið og kann ekkert og skil ekkert og finn enga einbeitingu
til að setjast niður, klára að fara í gegnum efnið og byrja að rifja upp!
10,5 tími í prófið :/

Símsölufólk

2007-09-26T15:28:00.000+02:00

Hringir hingað í tíma og ótíma að bjóða okkur allt milli himins og jarðar! Reyndar hefur það sjaldnast áhuga á að tala við mig, yfirleitt vill það tala við þann sem sér um rafmagnsreikninginn (Jonas), þann sem borgar í lífeyrissjóð (Jonas), herra eða frú Haraldsson (Jonas eða... alla vega ekki ég!) en í dag vildu þau ekki tala við Jonas og ekki mig heldur mömmu mína eða pabba! Það þótti mér best ;)
Það sem er reyndar allra best er að það er í 90% tilvika hringt um miðjan dag. Trúiði mér, ég hef bent þeim á að flest venjulegt vinnandi fólk er einmitt ekki heima hjá sér þá...

umræður í tíma

2007-09-25T15:06:00.000+02:00

Óþolandi Hollendingurinn: Þú ruglar greinilega oft saman "figure" og "table", þú ert tvisvar í þessum tíma búin að fletta upp á "figure xx" þegar það var í raun "table xx" sem við vorum að tala um og.
Ég: (sagt með röddu u.þ.b. við frostmark): Já, þetta er nú alveg hræðilegt, best að ég taki mig nú á, þakka þér kærlega fyrir að taka þetta líka mikilvæga málefni upp (lokn líklegast undir frostmarki).

svo kom e-ð muml um kaldhæðni... kemur mér reyndar töluvert á óvart að hann fattaði það blessaður...

ein smá stafsetningardílemma

2007-09-23T22:33:00.001+02:00

Orðið leiti/leyti finnst mér mjög pirrandi! ég veit að Gróa á le*ti er ekki eins skrifað og um 6-le*tið en get ómögulega munað hvort var hvað!!
Gróa þú getur kannski hjálpað mér ;)

En ekki hvað!

2007-09-23T22:27:00.000+02:00

Haldiði að ég og Jonas höfum ekki bæði fengið verðlaun í keppninni á útimarkaðnum í dag! Ég var með 23 af 24 rétt og Jonas 22 af 24. Jonas fékk sín stig með heiðarlegri vinnu á meðan ég náði mínum stigum með því að herma eftir honum og fólkinu sem sat á móti okkur :Þ
í verðlaun fékk ég svartan stuttermabol í stærð XL merktan sementverksmiðju í næsta bæ. Jonasar verðlaun voru ekki síðri, pínulítið mosagrænt kerti sem á eiginlega að vera í glasi held ég svo það bráðni ekki út um allt.
Ég held ég ætti bara að taka þátt í lottói á næstunni, ég finn það bara á mér að ég er heppin þessa dagana. Ekki nóg með þennan glæsilega sigur (veit reyndar ekki í hvaða sætum við lentum) í dag, heldur var ég gestur númer 7766, 7788 og 7799 á síðunni minni. Það finnst mér smart.

Útimarkaðir

2007-09-23T12:42:00.001+02:00

Í gær, laugardag, vöknuðum við Jonas kl 7:00 (eða Jonas vaknaði kl 7:00 og undirbjó allt á meðan ég neitaði að það væri kominn dagur til kl 7:30).
Ástæðan var sú, að Jonas hafði fengið svona líka hræðilega góða hugmynd að fara á Södra Esplanaden (sem er nokkurs konar flóamarkaður í Lundi) og selja gamla draslið okkar! Ég var nú ekkert yfir mig spennt, ekki bara vegna þess að ég þurfti að fara svona snemma á fætur (maður þarf að vera mættur 6:30 ef maður vill fá bestu plássin!) heldur fannst mér eiginlega alveg absúrd að e-r hefði áhuga á gamla draslinu okkar sem ég vildi helst að færi beint á haugana! Það er svosem skemmst frá því að segja að ég skemmti mér nú bara ágætlega þegar fór að líða á morgunin og fékk keppnisskapið (og peningagræðgin) að njóta sín þegar leið á. Ég var bara nokkuð sátt þegar við fórum heim um 2-leitið (þo ég hefði glöð vrið lengur og grætt meira ef einhverjir kúnnar hefðu veirð eftir) með meira en 400 sænskar krónur í hreinan gróða! Hefði Kannski ekkert spes tímakaup en ágætis skemmtun :)
Í dag er svo flóamarkaður hérna fyrir utan hjá okkur fyrir fólkið í hverfinu. Við fórum samt með afganinn af dótinu fá því í gær til góðgerðasamtaka svo ekki tökum við þátt í dag. En ætli maður kíki nú ekki út bráðum og heilsi upp á grannana og kaupi líffrænt ræktað grænmeti sem á víst að selja líka. Svo verður víst e-r keppni líka svo kannski fær keppnisskapið að njóta sín... með hinum krökkunum :/

ooog eitt í lokinn ;)

2007-09-20T18:06:00.000+02:00

Var að laga linkalistann minn, hann er búin að vera mjög úreltur síðustu mánuði... vona að hann sé komin í lag núna, annars bara að kvarta ;)

Lunds Kammarkör

2007-09-20T17:44:00.000+02:00

Loksins er ég komin í alvöru kór (þið afsakið íslendingakórsmeðlimir...)!
Sótti um í 2 kórum í haust og komst inn í báða sem er góð tilbreyting frá síðustu 2 árum ;)
svo nú syng ég 1. sópran í Lunds Kammarkör... ég hef ekki sungið 1. sópran í 8 ár eða svo og síðustu 2 ár hef ég bara sungið alt!
Ég er búin að mæta á 2 æfingar og líst bara ágætlega á. Ég er samt varla byrjuð að syngja, finnst ég mest bara "raula" kannski sérstaklega þar sem allir hinir sópranarnir (eða svona þeir sem sitja í kringum mig) hafa væntanlega lært söng aðeins lengur en hálft ár :/ Svo kunna þau allt efnið nokkuð vel enda að fara að taka það upp núna um helgina. Ég slepp sem betur fer við það enda á ég ekkert erindi þangað enda ekki einu sinni búin að syngja allt í gegn. Ég er hins vegar að fara að syngja á tónleikum með þeim næsta miðvikudag takk fyrir! Við erum að fara að syngja Sestina eftir Monteverdi. Sungum það í gegn í síðustu viku og ég man að ég gat ekki beðið eftir að við værum búin, s.s. eina verkið sem mér hefur fundiðst leiðinlegt hingað til ;)
Ég komst að því á síðustu æfingu að þau syngja yfirleitt í blandaðri uppsetningu og mikið óskaplega líst mé vel á það :)

Hvað skal segja?

2007-09-20T17:42:00.000+02:00

Hef verið með tölvuofnæmi síðustu vikur, það virðist í rénum því ég er búin að útrétta helling í gegnum tölvuna í dag.
Annars ætla ég bara að láta eins og ekkert hafi í skorist og að ég hefði bloggað síðast í gær.

Jess!!

2007-07-24T14:36:00.000+02:00

Búin með heimaprófið!
Á bara eftir að láta Jonas lesa yfir og lappa upp á enskuna mína :/ mérhefur víst lítið farið fram í ensku síðustu árin :Þ
Svo er það bara mála, mála og mála :)
Kláruðum fyrri umferð í gær um hálfellefu í rafmagnslausri íbúð að mestu... ég er ansi spennt að sjá árangurinn í dag, planið er að byrja í því herbergi sem við enduðum í gær ;)

Risa fiðrildi

2007-07-23T11:02:00.000+02:00

Eftir að hafa hangið allt of lengi í tölvunni í gærkvöldi fór ég inn á klósett að bursta tennur og mætti þar risastóru næturfiðrildi! Ég, fiðrildamanneskjan hef bara sjaldan séð svona ljótt dúr :Þ og ekki bætti það úr skák þegar það KÚKAÐI á gólfið!! Ég varð svo hissa að ég vakti Jonas með látunum í mér og píni hann til að fara að skoða fiðrildið. Hann fylgdi því nú bara út.
Nú er ég búin að taka mynd af fínu veggfóðrunum okkar og ætla að lofa ykkur að njóta (og í þetta skipti var ég búin að snúa myndunum rétt! Blogger virðist bara ekki hafa náð því):

Þetta er veggfóðrið sem okkur langar til að hafa inni í svefnherbergi. Skynsemin hefur þó tekið yfirhöndina og við ætlum bara að mála í e-m töff lit.

Þetta er veggfóðrið sem við endum líklega á að taka inn í vinnuherbergi (bara á einn vegg, hina málum við). Ekki fyrsta val heldur annað val en samt mjög flott.
Bara ekki jafnflott og þetta veggfóður:

Mér finnst bara svo ótrúlega flott hvernig myndin breytist eftir hvernig ljósið fellur á.

Í dag ætlum við að fara í aðra veggfóðursbúð til að vera alveg viss um að finna ekkert betra og svo er það bara að velja endanlega og kaupa málningu í herbergin og byrja að mála! Við erum búin að mála öll loft og með ögn af bjartsýni vil ég vera búin að mála á morgun!
En núna er bara að klára fyrsta heimaprófið í kúrsinum mínum. Þetta er allt að koma, búin með 2 spurningar af 5.

Lohoksins!

2007-07-22T10:52:00.000+02:00

Er búið að pússa allt!! Jeiiii!!!
Pússuðum það allrallra síðasta í gær og svo tóku við þrif... ég veit ekki hvað ég er búin að skúra gólfin í nýju íbúðinni oft, líklegast álíka oft og á dvalarheimilinu í Mosó... þrátt fyrir ehendalaus þrif á fólfum og veggjum og öllum köntum og listum og þökum og jú neim itt! Væri nú synd að segja að það væri hreint hjá okkur :Þ
En loftið er alla vega ekki mettað af sparstlryki og það er yndislegt :)
Nú er loftið mettað af málningargufum :Þ
Máluðum fyrri umferð yfir loftin í gær og stendur til að mála þá seinni í dag svo stofuveggina
og jafnvel þrífa svo elfhússkápa og fara að fylla þá af diskum og glösum og þvílíku. Þetta er sko allt að koma :)
Erum reyndar í svolitlum vandræðum með liti í svefnherbergið og svo vinnuherbergið/gestaherbergið.
Vorum búin að ákveða að hafa "grunnvegg" í svefnherberginu dökkvínrauðan eða plómulitann eða e-ð í þá áttina með ljósum ramma í kring. Við erum löngu búin að ákveða að hafa veggfóður á einum vegg í gesta-vinnuherberginu einfaldlega vegna þess að veggurinn var svo illa farinn (þessi sem við vorum að spá í að lakka inn) og veggfóðrið þurfti náttúrulega að vera mjög flott! Ég er búin að fara í svona þúsund hringi, vildi fyrst hafa veggin brúnan með gylltum sólblómum og appelsínugul guggatjöld o.s.frv. svo vildi ég hafa herbergið gult og sumarlegt (Jonasi fannst það minna á páskaunga og það var ekki samþykkt) en svo féllum við fyrir einu veggfóðri (hér væri mynd 1 ef myndavélin væri ekki uppi í íbúð og veggfóðrið hér...) og vorum staðráðin í að fá það nema hvað, þetta er auðvitað "alvöru" veggfóður. Veit ekki hvað þið eruð vel að ykkur í veggfóðursbransanum þarna heima, en í dag eru s.s. til gamaldags veggfóður úr pappír sem er alls ekker fyrir venjulegt fólk að setja upp (s.s. "alvöru" veggfóður") það þarf að setja límið á sjálfa veggfóðursremsuna, láta það þorna og koma því svo á vegginn. Þar sem það er úr pappír, bólgnar það út við það að blotna en skreppur svo saman þegar það þornar... það er endalaust maus að fá hvern bita til að stemma við hinn...
Nú er hins vegar komið e-ð veggfóður ekki úr pappír. Það er þykkara og auðveldara að fást við. Maður límir á vegginn og það bólgnar ekkert út. Það getur nánast hvaða hálfviti sem er sett upp...
Hvert einasta veggfóður (eða svo gott sem) sem okkur heur fundist flott er af fyrri gerðinni!
Svo rákust við á geheggjað veggfóður inn í svefnherbergið! Held við sleppum því samt, passar örugglega betur inn í herbergið hjá unglingsstelpu... en það er samt geðveikt!
Já, þar hafið þið það, gegnsýrt blogg af framkvæmdum! Ég lofa að fjalla um nánast ekkert annað alla vega næstu vikuna.

Nivea for men

2007-07-16T18:58:00.000+02:00

Undanfarna daga hef ég ilmað eins og karlmaður! Ástæða, jú, líkamssápan mín e rí nýju íbúðinni en sáðan hans Jonasar er hér. Mér finnst þetta svosem ágæt lykt og kommon, Jonas valdi þetta nú fyrir sig sjálfan svo varla get ég kvartað eða...
Annars er Jonas veikur í dag. Hann var e-ð svo "latur" í gæt í íbúðinni að ég þurfti að píska hann áfram. Svo þegar við fórum að sofa í gærkvöldi var hann alveg sjóðheitur og ekkert sérstaklega hress, úbs.

komin í náttföt fyrir níu

2007-07-14T20:49:00.000+02:00

Ljúft :)
Við Jonas erum búin að vera að vesenast í íbúðinni í allan dag.
Ég hélt í einfeldni minni að við værum rétt að klára að pússa og kannski að sparstla í eitt eða tvö göt sem hefðu gleymst... allur dagurinn fór í að rífa niður meira veggfóður!
Það er reyndar ótrúlega gaman að pilla í þetta veggfóður! Gallinn er bara sá að nú veit ég, að þeim mun meira sem ég pilla í veggfóðrið, þeim mun meira þarf að sparstla. Það er svosem ekkert slæmt að spartla þannig séð, en þeimur meira spartsl sem maður kínir á veggina, þeim mun meira verður maður að pússa og ÞAÐ er leiðinlegt og rykugt og ógeðslegt :(
Besta lausnin er því augljós: pilla sem minst í veggfóðrið og halda spartslinu í lágmarki... eða hvað! Því miður er það þannig að ef maður pillar ekki í allar misfellur í blessuðu veggfóðrinu, þá bólgnar þetta allt saman upp og verður ómögulegt þegar maður mála :/
Þetta líf þetta líf!

Nýja íbúðin

2007-07-11T19:15:00.001+02:00

Finnst ég varla vera búin að minnast á það en við er skoho búin að fá nýju íbúðina og erum á fullu í betrumbótum. Nokkrar myndir:
Eldhúsið. Ætlunin er að taka það í gegn... erum bara ekki búin að ákveða hvort við hendum öllu út, skiptum bara um framhlið á skápunum eða lökkum bara framhliðarnar og skiptum um haldföng. Ætlum að melta það í einhvern tíma þó það þýði að við verðum eldhúslaus í e-n tíma.
Annað af tveimur yndilsegum baðherbergjum :) Ég elska þau! Sérstaklega hitt með sturtunni, frábær sturta!
Sturtan góða... á hlið... verð að viðurkenna að þessi mynd er eiginlega algjörlega vonlaus!
Flottur veggur er það ekki? Vorum að pæla í að lakka hann bara og hafa eins og hann er... an þar sem þetta er gestaherbergið og ég er ekki viss um að mamma mín fýli vegginn, þá hefur hann verið sparslaður og er tilbúin fyrir málningu.
En Miss Marple var að byrja í sjónvarpinu og ég ætla að glápa og borða dæmköku með :)

Bara fyrir Þóru...

2007-07-06T00:30:00.000+02:00

Fyrir:

...og eftir

Þess má til gamans geta að í dag, eftir allmarga hárþvotta, er allt á réttri leið! Liturinn farinn að minna á háralit föður míns :)

Hér kemur Lína Langsokk...

2007-07-02T14:59:00.000+02:00

Komin heim úr ferðalaginu sem var stórfínt :)
Svolítil klikkun að fara til Vermlands yfir helgi. Það er svipað og að skella sér til Egilstaða. Gróa skemmtileg eins og venjulega og spilaði svona líka ljómandi vel :)
Varð samt svekkt með Jesicu Gustavson/Wiklund/Buzzbee súperbásúnuleikara, spilaði bara ekki jefnvel og ég hefði óskað! Hún bara hlýtur að geta betur!
Þess má til gamans geta að við fórum báðar í prufuspil hjá sinfó um hálfa stöðu... hún fékk hana... ekki ég ;Þ
Hún spilaði svosem alveg nógu vel til að "vinna" mig í prufuspili en fyrir 9 árum (þá var hún 25 ára) vann hún líka kennarann minn og finnskan snilling í básúnukeppni og hún spilaði sko ekki það vel... vona að þetta hafi bara verið slæmur dagur.
Er annars á leið í strætó að ná í bílinn okkar úr viðgerð.
Ætti í raun að skrifa meira um ferðalagið, rigningu og mýflugur en efast um að af því verði...

Góð hugmynd Guðrún!

2007-06-29T14:32:00.001+02:00

Af einhverri ástæðu þótti mér góð hugmynd að kaupa eldrauðan hárlit í Tékklandi.
Fékk svo þessar snilldar hugmynd að það væri nú upplagt að nota hann núna um helgina!?! Svo núna er ég með appelsínugult hár á leið að heimsækja Gróu í Orkester Norden, góð hugmynd Guðrún!
Hlakka annars til að fara í útilegu :) Við Hrefna gistum eina nótt þegar hún var hér og það var alveg meiriháttar! Ekki spillti veðrið og hvað þá frönsku pulsubrauðin og kjaftasögurnar ;)
Það er allt útlit fyrir rigningu í þessari ferð og maturinn er mun civiliseraðri. Enég er þó með gulrótarlitað hár!!

Ég elska kúrsinn sem ég er í!

2007-06-28T16:03:00.001+02:00

Distanskúrs um mat í Evrópu, gæti ekki veirð betra. Er að ræða um mat við fólk aðalega frá Frakklandi og Tékklandi sýnist mér um mat... eini gallinn er að maður verður víst líka að lesa e-r bækur en prófin virðast nú vera frekar einföld og byggjast mest á að maður getur sagt hvað manni finnst (og stutt sig við það sem maður hefur lesið í kúrsinum). Líst mjög vel á þetta.
Ósjitt! Setti víst í þvottavél um eittleytið og klukkan er 16. Kannski komin tími til að ná í þvottinn!

Næsta

2007-06-26T22:42:00.000+02:00

Pabbi stóð undir væntingum... eins og við mátti búast ;)
Nú eru foreldrarnir hins vegar farnir og maður myndi halda að allt væri að komast í eðlilegt horf. Óþarfi samt að halda að mér leiðist nokkuð hér! Hef verið að hjálpa Bryndísi og Sigurjóni að koma dótinu sínu í gám og þrífa (þau eru að flytja heim) síðustu tvo daga eða síðan mamma og pabbi fóru. Svo er ég líka byrjuð að setja okkar dót í kassa því það styttist í að við fáum okkar íbúð afhenta :)
Svo hef ég keypt flugmiða fyrir mig heim í ágúst. ég kem 5. ágúst og fer til baka 20.
Öllum velkomið að skemmta mér á þessum 2 vikum :)
Svo er það annað: er nokkur ástæða fyrir mig að taka básúnuna með mér heim fyrir þessar 2 vikur? Þurfið ekkert að segja mér ða ég geti nú alveg sleppt því að æfa mig þessar 2 vikur (ég veit
sjálf að það færi sko ekkert með "formið" sem ég er í ;)) en spurningin er eiginelga meira; eruð þið með gigg fyrir mig á þessum 2 vikum??
Bara að spá...
Við Jonas erum að fara að hitta Gróu um helgina! Ætlum að keyra til Arvika og hlusta á Gróu spila með Orkester Norden. Það verður gaman.
Annars er ég öll lurkum lamin eftir flutningana (hjá Br. og Si.) langt síðan ég hef unnið e-a líkamlega vinnu :Þ
Farin að sofa

Alein heima

2007-06-19T17:12:00.000+02:00

Það hefur nú bar ekki gerst í háa herrans tíð... finnst mér alla vega.
Hrefna farin heim, mamma í pössun hjá Birnu frænku, pabbi enn á fundum í Danmörku og Jonas í vinnunni. Það mætti mér reyndar köttur þegar ég kom upp á mína hæð. Hann á heima hérna beint á móti og ég gerði þau mistök að tala vinarlega við hann. Hann tók ekkert annað í mál en að koma í heimókn til mín svo það tók mig dágóða stund að koma honum út.
Uppgvötvaði svo að ég gleymdi lyklunum í skránni og hef enn ekki sótt þá því ég nenni ekki að berjast aftur við köttinn :Þ
Verð reyndar að fara að leggja til atlögu því ég á pantaðan þvottatíma fyrir korteri...
Ef ég er heppin eru eigendurnir komnir heim...
Annars hefði kannski verið fallegt af mér að skrifa e-ð merkilegt þegar það er svona langt síðan ég hef skrifað...
Þýskaland var alla vega stuð, Tékkland stuð, Hrefna stuð, mamma stuð, býst við að Pabbi verði stuð og vona innilega að pakk verði stuð og veggfóðursniðurrif sömuleiðis...
ef ekki þá verður alveg örugglega Íslandsferð í ágúst stuð. Endilega komið með tillögur að hvenær ég á að vera á Íslandi í ágúst!

Það er nú allt í lagi að láta heyra í sér annað slagið!

2007-05-31T00:08:00.000+02:00

Jú, prófið búið, gekk svosem allt í lagi en hefði gengið enn betur hefði ég haft eins og 5 klst í viðbót...
Skólinn klárat á föstudaginn með kynningum á "rannsóknarverkefnum" vikunnar. Þar mun ég kynna niðurstöðurnar úr rannsókn minni á "hegðun" laurdan í membrani thylakoid úr spínati við ólíkar ytri aðstæður. Hjómar það ekki ótrulega gáfulega???
Svo brunum við til Þýskalands og Prag og komum heim rétt mátulega til að taka á móti Hrefnu sem síðan skiptir við mömmu og pabba :)
Mikið stuð framundan :)

hver er

2007-05-24T10:19:00.000+02:00

Edda Blöndal og af hverju var hún að bjóða mér á salsanámskeið?!?

Annars er prófið á morgun og ég kann ekkert veit ekkert og skil ekkert :/

Margt framundan

2007-05-19T21:30:00.000+02:00

Hver einasti dagur fram til 25. júní er skipulagður hjá mér!
Sem betur fer er stærsti hlutinn af því ansi ánægjulegur, bara rúmir 5 dagar í próf og 12 dagar í að skólinn klárist :)
Nú erum við búin að ákveða að ákveða að taka ferju frá Trelleborg til ... æ, einhvers staðar í Þýskalandi og keyra þaðan til Tékklands með 1 nætur stoppi á leiðinni. Þá ætlum við að vera 2-3 daga í Prag og svo keyrum við til Nürnberg í heimsókn til Ágeirs í 2-3 daga. Þaðan ætlum við að keyra til Bonn og heilsa upp á Huldu og hennar mann (Hulda býr hér í Lundi en verður í þýskuskóla í Bonn í júní). Svo keyrum við beina leið heim og verðum komin heim um kvöldið 10. júní til að taka á móti Hrefnu þann 11. Við munum síðan skemmta okkur saman með mátulegum skömmtum af verslunar-náttúru- og sólaferðum. Svo skilum við henni til stóra bróður í Köben 17. júní og fáum mömmu og pabba í heimsókn í staðinn! Gott plan eða hvað?
Ég ætla nú ekkert að vara gera ykkur græn af öfund af skemmtilegheitunum sem eru framundan hjá mér! Planið var nú bara að fá góð ráð umhvað er hægt að gera skemmtilegt í þýskalandi og Tékklandi og hvar er gáfulegt ða sofa og svoleiðs. E-r góð ráð??

Svona er Svíþjóð

2007-05-18T15:14:00.000+02:00

Eini möguleiki móðursystur minnar sem hefur búið í Svíþjóð í 10 ár til að fá sænsk skilríki frá "svensk kassaservis" er að ég fái sænskan ríkisborgararétt!
Til að fá sænsk skilríki aþrf maður að fá Svía með (með sæansk skilríki) til að skrifa undir að maður er sá sem maður er. Nú hafa þeir hins vegar breytt reglunum þannig að maður verður að fá sænskan fjölskyldumeðlim til að skrifa undir!!
Og já, frænka mín hefur að sjálfsögðu átt sænsk skilríki, þau eru bara útrunnin!
Pælið í vitlaeysu!

Aldurssaga

2007-05-16T17:10:00.000+02:00

Svona af því hef ekkert betra að gera ehhemm...
var að lesa inni á síðunni hennar Hildar að hún hafi verið spurð hvort hún væri ekki örugglega orðin 18 í sundi.
Mér finnst svona "aldurssögur" alltaf svo skemmtilegar :)
ég hef nú ekki tölu á því hversu oft ég hef verið álitin yngri en ég er, held það hafi bara aldrei komið fyrir að e-r haldi að ég sé eldri en ég er!
Tvær sögur af mér og Hrefnu:
Við vorum saman í frönsku hjá Gérard á öðru árinu okkar í MH. Það var mjög gaman og við höfðum gaman af því að fíflast í þeim tímum.. sem og utan þeirra. Einhvern tímann á ganginum mætum við Gérard þar sem við leiðumst og valhoppum eftir ganginum og þá segir Gérard: "Þið eruð svo skemmtilegar, svo skemmtilega... barnalegar!" Góður Gérard!
Einu sinni fórum við í sund í Mosó. Man ekki hvenær þetta var en þetta hlýtur að hafa verið eftir menntó svo við vorum komnar yfir tvítugt. Við erum djúpt sokknar í samræður þegar við borgum í sundið, afgreiðslukonan gefur okkur til baka og við byrjum að labba í átt að klefanum þegar ég fatta að hún hefur gleymt að láta okkur fá lykil. Í sömu andrá og ég ætla að fara að biðja um lykil tek ég eftir að hún hafði gefið mér til baka eins og ég hefði bara átt að borga barnagjald! Ég varð mállaus og gekk bara inn í klefa. Smástelpan sem afgreiddi okkur (pottþétt svona 5 árum yngri en við!) hélt s.s. að við værum ekki orðnar 12 ára!! Leið samt aðeins skárr þegar ég fattaði að það var nýbúið að breyta aldursgrensunni í 16 ár... en samt!
Fótboltasaga:
Ég man þegar ég var að stíga fyrstu skrefin í meistaraflokknum. Ætli ég hafi ekki verið svona 14 eða 15 ára. ég man sérstaklega eftir einni "konu", hún var nú næstum nógu gömul til að vera mamma mín, 10 eða 11 árum eldri en ég! Ég fór á eina fótboltaæfingu hérna í Lundi í fyrra. Það komu alla vega tvö holl af flissandi gelgjur til mín og spurðu mig hvað ég væri eiginlega gömul. ég var sem betur fer enn "in my early twenties" ekki nema 24 ára. Þær misstu hins vegar næstum andlitið og flissuðu að þær væru sko 14 ára... þá var mér hugsað til Írisar gömlu í Mosó.
Og svo af mömmu og pabba:
Pabbi hefur mjög gaman af því þegar mamma á stórafmæli. T.d. þegar hún varð fimmtug gat hann sagt:"konan mín er komin á sextugsaldurinn og ég er bara rétt rúmlega fertugur)" hann er s.s. einu og hálfu ári yngri en mamma. Held hins vegar að fólk hafi nú pískrað um þau í gamla daga og pælt í því hvort foreldrar mömmu minnar vissu að hún væri með svona miklu eldri manni! Það eru nefninlega til endalausar sögur af mömmu sem ekki var hleypt inn í leiktækjasal bannaðan yngri en 16 ára þegar hún var sjálf í háskóla og litli bróðir hennar var inni að spila. eða þegar hún var kasólétt af systur minni og spurð um skilríki í bíó inn á mynd bannaða innan 16. Pabbi hins vegar varð að borga fullorðinsgjald í strætó þegar hann var 11 ára! Það var svosem allt í lagi því bróðir hans, ári eldri, borgaði bara barnagjald í staðinn.

ég lærði ýmislegt í dag

2007-05-16T16:50:00.000+02:00

bragðið af ódýrasta súkkulaðinu í búðinni minnir lítið á súkkulaði. "Ekólógíska fair trade" súkkulaðið ER betra en annað súkkulaði (enda bragðast keyptar kökur mun betur en stolnar kökur, spurjið bara Mikka ref).
Það er hins vegar vel hægt að nota óæta súkkulaðið í kókoskökur og samt bragðast þær vel :)
Svo er ég í fýlu út í vinkonu mína í skólanum. Hún apaði allt upp eftir mér í heimadæmunum sem við skiluðum um daginn (believe me, ekki í fyrsta skipti!) og hún fékk 0,4 stig á meðan ég fékk 0,3! Svo hafði ég ekki getað síðasta dæmið og hún kópíaði það frá annarri stelpu og lét mig ekki vita svo ég fékk 0 fyrir það á meðan hún fékk fullt, s.s. 0,5. Hún getur sko gert sín heimadæmi sjálf héðan af og hana nú!

Það væri mjög góð hugmynd að byrja að læra fyrir prófið sem er eftir rúma viku... en ég bara nenni því ekki...

Var að ramba um netið

2007-05-15T18:48:00.000+02:00

svona af því ég hef ekkert gáfulegra að gera... eða þannig. var að velta fyrir mér þessu bloggi. Er þetta ekki alveg örugglega grín??
Vona það alla vega svo innilega.
Var annars að sýna íbúðina okkar. 2 nýútskrifuð úr skóla og búa á "stúdentakorridornum"
sem er hérna rétt hjá. ég var orðin brjálæðislega stressuð yfir því að taka á motim þeim ein og auðvitað snérti tungan vitlaust uppí mér þegar þau komu. en svo voru þau bara mjög indæl og í lok heimsóknar hafði tungan komist á réttan stað og ég náði vonandi að bjarga mannorði mínu ;)
Kvöldmatur og svo heimadæmi, koma svo!